Kommuneplan
Kommuneplan er ein overordna plan for kommunen med sikte på å samordna den fysiske, økonomiske, sosiale, estetiske og kulturelle utvikling i kommunen. Kommuneplanen består av ein langsiktig (normalt 10-12 år) og ein kortsiktig del (normalt 4 år).

Den langsiktige delen skal omfatta:

Mål for utviklinga i kommunen
Retningsliner for planlegging i sektorane.
Arealplan for forvaltning av areala i kommunen.
Den kortsiktige del skal omfatta:

Samordna handlingsprogram for drifta i sektorane dei næraste åra.
Kommuneplanlegginga skal byggje på dei økonomiske og øvrige ressursmessige føresetnader for gjennomføring. Minst ein gong i løpet av kvar valperiode skal kommunestyret vurdera kommuneplanen samla og om naudsynt gjera endringar.

Økonomiplan
Økonomiplanen skal gje eit realistisk oversyn over sannsynlege inntekter, utgifter og prioriterte oppgåver. Planen skal omfatta minst dei 4 neste budsjettåra.

Kommunestyret skal ein gong kvart år vedta ein rullert økonomiplan.

Planen skal leggjast til grunn for budsjettarbeid og planleggingsverksemda i kommunen.

Reguleringsplan
Reguleringsplan er ein detaljplan som består av reguleringskart med supplerande tekstlege bestemmelsar som regulerer utnytting av grunn, vassdrag, sjøområde, busetnad og det ytre miljø i bestemte område i kommunen.

Andre viktige planar

Sentraladministrasjon:
Risiko og sårbarheitsanalyse.

Helse & sosial:
Plan for eldreomsorg, Pleie & omsorgsplan, Plan for rehabilitering, Plan for førebyggjande barnevern.

Kultur:
Kommunedelplan for anlegg og område for idrett og friluftsliv. Kulturminneplan.

Kommunalteknikk, areal og miljø:
Kom.delplan avfall, Kartplan, Forvaltningsplan for Hardangervidda.
Stadanalyse Eidfjord. Trafikksikringsplan.

Brann & redning:
Brannordning for Eidfjord kommune, Plan for interkom.beredskap mot akuttforureining.