Kruttrøyken låg tett i Simadal på laurdag, flagga vaia og jubelen runga mellom fjella. Det vart utkjempa mange gode interne duellar og det var mykje lått og løye – akkurat slik det skal være på eit sykkelskytarmeisterskap.
Sykkelskyting er svært publikumsvenleg og deltakarane gav dei frammøtte full valuta. Sykkelskytarar er som kjent kjekke folk og mange skaut bom så det song etter, kun for å piske opp spenninga sjølvsagt - noko mange fekk angra på når dei øre og svimle av strafferunder endeleg kunne ta fatt på neste tur mot Stavanes.