Samlinga etter Nils N. Bergslien 

Nils Bergslien (1853 - 1928) levde sitt vaksne liv i Eidfjord der han slo seg ned og stifta familie. Eidfjord kommune har over lang tid bygd opp ei samling av verka til Nils Bergslien både gjennom kjøp og generøse gåver. Galleri N.Bergslien er bygd for å husa kunsten til Nils Bergslien. 

Samlinga er variert og viser den store breidda kunstnarskapet til Nils Bergslien hadde. Det er mange som er overraska over både kvaliteten og dimensjonane på kunsten som møter dei i galleriet.  I tilegg til nasjonalromantiske motiv har mykje av kunsten til Bergslien både humor og eit samfunnskritisk blikk til si tid.

Nils Bergslien

Utstillingsrom for skiftande utstillingar

Galleriet har eit rom for skiftande utstillingar, rommet er 86m2.  Det er Galleri N.Bergslien som set opp utstillingsplan med vanlegvis 3 utstillingar pr. år i perioden april - oktober. Utstillarar i galleriet må oppfylla samme kriterier som søkjarar til kunstnarstipendet; “kunstnarar og kunsthandverkarar som fyller krav til opptak i ein nasjonal kunstnarorganisasjon eller tilsvarande internasjonal organisasjon”.