Tomtene ligg i bakkane opp mot Hereidsplatået i Nedre Eidfjord. Her får ein spektakulær utsikt over fjell og fjord. Tomtene har gode solforhold og kort veg til daglegvarebutikkar, skule, barnehage og andre tenestetilbod i kommunen.

Ledige tomter

Her finn du ledige tomter i dette bustadfeltet

For tida er fylgjande tomter ledige:

• Torgilsvegen 7 og 9 
• Smievegen 10 
• Hereidsvegen 24 
• Gamle Hereidsvegen 4 og 10

Tomteprisar

Pris per tomt: kr. 300 000,- 

Kvednabakken ligg i eit roleg og barnevennleg bustadfelt i Nedre Eidfjord. Området er forholdsvis flatt, med kort avstand til skule, barnehage, daglegvarebutikkar og andre tenestetilbod i kommunen.

Ledige tomter

• Kvednabakken 11

Tomteprisar

Pris per tomt: kr. 200 000,- 

Bjødnatun ligg fredleg til i Øvre Eidfjord, ca. 10 minutters køyring frå Eidfjord sentrum. Bjødnatun er omkransa av mektige fjell og elveløp. Tomtene er flate og enkle å opparbeida.

Ledige tomter

Her finn du ledige tomter i Bjødnatun

For tida er fylgjande tomter ledige:

• Blåhattflåten 4, 6, 8, 11, 12, 13 og 14

Tomteprisar

Tomtene i Bjødnatun er gratis, men utløyser krav om innbetaling av depositum. Innbetalt depositum kan etter søknad betalast attende ved framlegging av ferdigattest.

Depositum per tomt er kr. 50 000,-

Eidfjord kommune har bustadtomt ledig på Lægreid. 

Adresse: Lægreidsvegen 37 – tidligare klokkargarden
Gbnr: 5/96
Areal: 2220 m2 – bustadformål 975 m2
Avkøyring: frå Lægreidsvegen 
VA: Vatn og avlaup er ført fram til tomta
Pris: 300 000,- 
Spesiell merknad: Omsynssone til Eidfjord Gamle kyrkje
Frist for å søkja på tomta: 14.01.2024.  Er det fleire søkjarar til tomta ved søknadsfristens utløp – vil tildeling skje ved loddtrekning. 
Reguleringsplan: ID 2013001 

Tildelingsreglar

Tomta vert tildelt etter Eidfjord kommune sine generelle reglar for tildeling av kommunal bustadtomt. 
Desse reglane kan ein lese her: Reglar for tildeling av kommunal bustadtomt - Eidfjord kommune

Områdeplan ID 2013001:  Menes – Vik - Lægreid

Tomta er merka med BFS11 i gjeldande områdeplan. Det er høve til å byggja  1 eller 2 mannsbustad. Byggjehøgda skal tilpassast kringliggande bustadar. 
Byggjesøknad skal sendast til antikvariske mynde for uttale. 
BFS11 har utnyttingsgrad 30 % BYA, og maksimal byggjehøgde på 9 m.

Omsynssone til Eidfjord Gamle kyrkje

Eigedomen ligg som ein del av eit kulturmiljø med regional og nasjonal verdi. Eigedomen grenser til Eidfjord gamle kyrkje med omgjevnadene rundt som er eit kulturmiljø med høg regional og nasjonal verdi, beståande av kulturminne frå førhistorisk tid og nyare tid. Eidfjord gamle kyrkje (Askeladden id 84069), er datert 1210 og automatisk freda. Kyrkjegarden, som også er automatisk freda, er frå høgmellomalder. 
På kyrkjegarden til mellomalderkyrkja finst to steinar med bergkunst frå jernalder/bronsealder, båe sekundært plassert Askeladden id 102124). Bygningane på Lægreid og Eidfjord gamle kyrkje vert regulerte i tråd med eksisterande situasjon.
Fylkeskommunen er antikvarisk mynde for byggjesaken, og dei skriv til Eidfjord kommune: 
“Fylkeskommunen, vil på bakgrunn av føresegna vurdere tiltak på eigedomen med mellom anna arkitektur/fasadar og materialval, høgde og volum, nær og fjernverknad. Det skal takast omsyn til areal, bygningar og anlegg i planområdet med eldre bygningar som ligg i og grenser til planområdet, då dei er viktige kulturminne med høg opplevings- og kunnskapsverdi. Tiltaket med fasadar og landskap mot kyrkje og det gamle kulturmiljøet skal vurderast særleg ”
Samt dei rår at at ny tiltak på eigedomen ikkje redusere den historiske samanhengen i kulturmiljøet.  

Prospekt

Prospekt gbnr 5_96.pdf (PDF, 923 kB)
Område i kommunekart

Tidligare fjellrettar

Tidligare var det knytt fjellrettar til gbnr 5/96. Desse fjellrettane er etter vedtak i kommunestyre, tinglyst over på den andre ideelle eigar av halvparten i steinbua på Gamle Sandhaug, og naustretten er slette frå gbnr 5/96. Det vil sei at noverande gbnr 5/96 har ingen fjellrettar knytt til eigedomen.