Høyring - Forskrift for motorferdsel i utmark og på vassdragEidfjord kommune har utarbeida eit forslag til endring av § 2 i Forskrift for motorferdsel i utmark og på vassdrag, Eidfjord kommune, Hordaland. Paragrafen regulerer ferdsel på vatn og vassdrag i Eidfjord kommune. Frist for å gje innspel er 3. april 2023. Publisert 09.02.2023 11.35 Sist endra 09.02.2023 11.35 Høyring Motorferdselutvalet i Eidfjord kommune vedtok i møte 30.01.2023 (sak 23/002) å leggja forslaget til endring av lokal forskrift ut på høyring, med dei endringa som vart føreslege i møtet. Endringa skal liggje på høyring i to månader. I høyringsperioden er det opent for at alle som ynskjer kan kome med innspel. Høyringsfrist Innspel skal sendast skriftleg på e-post til postmottak@eidfjord.kommune.no, eller per brev til Eidfjord kommune, Simadalsvegen 1, 5783 Eidfjord. Frist for å gje innspel er 3. april 2023. Vedlegg Forslag til endring av lokal motorferdselforskrift og vedtak frå Motorferdselutvalet er vedlagt. Saksutgreiinga til vedtaket gir utfyllande bakgrunnsinformasjon til forskrifta. Mottakarlista er ikkje uttømande, difor oppmodar me å vidaresenda om de har kjennskap til ytterlegare partar som vert råka av endringa. Utkast til Forskrift om endring av forskrift om motoferdsel i utmark og på vassdrag (PDF, 45 kB) Framlegg til endring av Forskrift til høyring (PDF, 2 MB)