Kommunen har til utleige brud- og brudgombunad for vaksne. Utleigepris for brudebunad kr. 3000,- og brudgombunad kr. 2000,-. Det er også mogeleg å berre leige brudekruna for kr. 500,-. Bunadane er til utleige for brudepar. 

Det kan gjerast mindre tilpasningar før bruk, men det kan ikkje vera store avvik frå måla på bunaden. Hardanger Flid AS utfører arbeidet med mindre tilpassingar og vask/rensing av bunadane. Leigar pliktar å handsama bunaden med varsemd, og skal ikkje vaska/reinsa nokon av delene etter bruk. Utleige må avtalast i god tid, leigar kontaktar Hardanger Flid AS for tilpassing.

Mål på brudebunad:

• Livvidde: 79 cm
• Sidde stakk: 105 + 3 cm
• Heil lengde: 144 + 3 cm

Innhald:

1 stk sylvkrune med diverse silkeband
1 stk blondekant
1 stk sneatrøya med stakk
1 stk kaps med svartsaum
1 stk bringeklut
1 stk komplett sylvkjede
1 stk stor bringesylje
2 stk små syljer
1 stk lekkjaknapp
1 stk sylvbelte med spenne og 25 stk stølar
1 stk handaplagg
1 stk fangreim med sylv og 2 stk fangband
1 stk brudebombe, rosemåla

Mål: 

Bunaden er tilnerma storleik M (medium)

Innhald: 

1 stk jakke med sylvknappar
1 stk vest med sylvknappar
1 stk bukse med sylvknappar og sylvspenne
1 stk skjorte
1 stk sokkapar
2 stk sokkaband
1 stk lekkjaknapp
2 stk mansjettknappar

 

Eidfjord kommune har for utleige to sett med jonsokbunadar. Organisasjonen Betre Barnemiljø i Øvre Eidfjord har skaffa den eine av bundane. Skreddar Olaug Måge frå Omastrand i Kvam, saman med lokale tradisjonsberarar har produsert bunaden. Denne bunaden er utstillt på Norsk Natursenter i Øvre Eidfjord. Eidfjord kommune har også for utleige ein jente/bryllaupsbunad til som er lagra på kommunehuset, denne er litt mindre i storleik. Bunadane vert utleigd i samband med den tradisjonelle jonsokfeiringa kvart år. Det er 1. klasse ved Lægreid skule som har ansvar for feiringa. 

Send søknad til postmottak om du ynskjer å leige brudebunad eller jonsokbunad. Sidan bunadane til vaksne må tilpassast er det viktig at du tar kontakt i god tid. Det vert berre gjort mindre tilpassingar, ein kan ikkje rekna med at bunaden vert sydd om.  Tilpassing må avtalast med Hardanger Flid etter at du har inngått leigeavtale.