Fylgjande dokumentasjon må du ta med deg når du jaktar:

• Gyldig jegeravgiftskort
• Våpenkort for registreringspliktige våpen (gjeld all jakt)
• Dokumentasjon på gjennomført skyteprøve når det blir jakta med rifle på storvilt 
• Dokumentasjon på tilgang til godkjent ettersøkshund under jakt på elg, hjort og rådyr
• Kontrollkort og eventuell fellesjaktavtale under jakt på villrein

Den som skal jakta på småvilt må vere fylt 16 år og den som skal jakta på storvilt må vere fylt 18 år. Fangst kan bare drivast av personar som har fylt 16 år. 

Alle som er fylt 16 år, og som ikkje er registrerte i Jegerregisteret, må bestå jegerprøven før dei kan utøva jakt, felling eller fangst.

• Opplæringa består av eit obligatorisk kurs og ein elektronisk eksamen
• Det obligatoriske kurset er på 30 timar
• Du kan avlegge eksamen frå det kalenderåret du fyller 14 år
• Det er jakt og fiskarlag o.l. som arrangerar jegerprøveopplæring
• Kommunen arrangerar eksamen

Du kan kjøpa jaktkort for småviltjakt på Eidfjord statsalmenning på inatur

Det er også sal av jaktkort for småviltjakt i ein del av sameigene/grunneigarlaga i kommunen. Desse må du ta direkte kontakt med.

Kommunen har ikkje nøyaktig oversikt over kontaktpersonar, det kan difor førekomma endringar ut frå lista. Kommunen har heller ikkje oversikt på om dei sel småviltkort eller om det her er endringar.

Grunneigarlag og sameiger i Eidfjord kommune

 

 

 

Sentrale statlege krav for å kunna utøva storviltjakt:

• Fellingsavgift
  For å jakte elg, hjort og villrein må du betale fellingsavgift etter jakta.

• Fellingsrapport
  For elg, hjort og rådyr skal alle godkjente vald seinast 14 dagar etter at jakta er avslutta senda inn fellingsrapport til kommunen. Elg- og hjortevald skal i tillegg levera inn ferdig utfylt "sett elg"- og/eller "sett hjort"-skjema frå alle jaktfelt innenfor valdet.

• Ettersøkshund
  Jegerar og jaktlag skal ha tilgang til godkjent ettersøkshund når dei jaktar på elg, hjort og rådyr. 

Ring 02800

Politiet kan sette deg i kontakt med viltnemnda i kommunen.

Dersom du kjem over skada eller sjukt vilt, er dette ei sak for viltnemnda. Det same gjeld om ein er uheldig og køyrer på vilt. Merk staden og gje skildring av kvar eventuelt dyr gjekk. Dersom dyret åpenbart ikkje kan leva vidare eller bli friskt, og du veit korleis avliva dyr, kan du gjera dette sjølv. Men berre dersom det kan skje uten at dyret blir påført meir liding. Dette er berre aktuelt for små dyr og fuglar.

Storvilt

• Alle hjortedyr
• Bjørn
• Ulv
• Jerv
• Gaupe

Hjortevilt og bever er kommunen sin eigedom. Alt anna vilt er Viltfondet sin eigedom og skal som utgangspunkt varslast til kommunen.

Artar som må registrerast

Registreringspliktige artar skal varslast til kommunen. Liste over artar finn du på lovdata.no

Vald

Eit vald er den minste geografiske og juridiske eininga som kan tildelast fellingsløyve frå kommunen eller villreinnemnda. Valdet kan innehalde andre arealtypar enn teljande areal, men det er kun storleiken på det teljande arealet som ligg til grunn for tildeling av fellingsløyver.

Jaktareal

Innad i eit vald kan jaktrettshavarane jakta på både teljande areal og anna areal, så lenge jakta føregår sikkerheitsmessig forsvarleg og i tråd med offentlige bestemmelsar. Eit av kriteria for at eit vald skal bli offentleg godkjent er at det er samanhengande og har ei avgrensning og ei form som gjer det egna til jakt på vedkomande viltart eller viltarter.

Avgrensing

Eiendommar der jaktrettshavaren ikkje har stilt sin jaktrett til disposisjon, kan godtakast innanfor valdet si yttergrense så lenge det ikkje bryt med kriteria nemt ovanfor. Ein slik «innskoten» eigedom vert ikkje rekna som ein del av valdet sitt areal, og det kan ikkje utøvast jakt der.

 

 

 

Skotpremie

Eidfjord har i fleire år hatt skotpremie på raudrev og mink. Skotpremien er pr. 01.04.2019:

• kr. 500,- for rev
• kr. 200,- for mink

Utbetaling

• For å få utbetalt skotpremie må du vera innbyggjar i Eidfjord kommmune
• Jegeren må levere inn begge framføtene eller framvise heile dyret til sekretær i fjellstyret
• Du bør avtala innlevering/framsyning i forkant
• Skotpremien er eit tiltak i regi av Eidfjord fjellstyre