Kva gjer de?

Det er no naudsynt med eit breitt samarbeid mellom fleire tenester.

Stafetthaldar presenterer problemstillinga for aktuell instans/teneste saman med føresette/barnet. Aktuell instans legg fram plan for utgreiing/undersøking/tiltak i samarbeid med føresette/barnet og dei andre involverte tenestene. Planlegg vegen videre og dato for neste samarbeidsmøte.

Korleis gjer de det?

Stafetthaldar er ansvarleg for møteleiing og å oppdatera stafettloggen. Kvar eining må vurdera om stafettloggen er tilstrekkeleg som dokumentasjon eller om det trengst eige referat i deira fagprogram.

Avklar kven som skal vera stafetthaldar videre.

Ansvar:

Stafetthaldar koordinerar samarbeidet saman med føresette/barnet

Kva gjer de?

Sett i verk og gjennomfør avtalte utgreiingar/undersøkingar/tiltak innan gjevne fristar.

Korleis gjer de det?

Bruk stafettloggen til å dokumentera slik at alle involverte partar er oppdaterte på prosessen.

Ansvar:

Alle har ansvar for sine område. Viktig at stafetthaldar er bevisst på sin rolle som koordinator og er tilgjengeleg for familien slik at dei ikkje opplever at dei vert “kasteballar” i systemet.

Kva gjer de?

Planlegg neste samarbeidsmøte med alle involverte partar. Avklar kven som har ansvar for å snakka med barnet i forkant av samarbeidsmøtet dersom barnet ikkje skal vera med på møtet sjølv.

Ansvar:

Stafetthaldar

Evaluering av tiltak

Kva gjer du?

Gjennomfør samarbeidsmøte med alle aktuelle tenester og føresette/barnet.

Korleis gjer du det?

Drøft i kva grad dei tiltaka som er sett i verk har ført til endringar for barnet.

Aktuelle instansar og føresette vert inviterte til møta for å evaluera om tiltaka har gjeve ønskt effekt. Barnet si oppleving er svært viktig å få med i denne evalueringa. 

Det er viktig at koordinator også er talerøyr for familien og vektlegg deira behov og meiningar sjølv om dei er til stades i møtet.

Ansvar:

Koordinator er møteleiar og syt for koordinering av tenestene

Slutning om vidare koordinerande innsats

Kva gjer de?

På bakgrunn av det som har kome fram i evalueringsmøte må de ta ei avgjerd om vegen vidare.

Korleis gjer de det?

Det er to moglege utfall:

1. Tiltaka har hatt ønskt effekt. Det er ikkje lenger grunn til å uroa seg. – Avslutt loggen.
2. Dei koordinerte tiltaka har ikkje gjeve ønskt effekt - sett i verk tiltak på nivå 1, 2 eller 3 og følg prosessane skissert i denne handlingsrettleiaren. Eller oppretthald eksisterande tiltak dersom dei fungerer, men ikkje er klare for å avsluttast.

Dersom barnet har behov for langvarige koordinerte helse- og omsorgstenester bør de vurdera om barnet oppfyller kravet til individuell plan og koordinator. Sjå lenkja under Tilhøyrande verktøy. Barnet og føresette må då få informasjon om kva det inneber, og koordinerande eining må kontaktast for rettleiing.

Ansvar:

Stafetthaldar har ansvar for å koordinera samarbeidet og innsatsen videre.