Prikkauren

Vatn og tjørn i nord-austre delen av allmenningen er kjerneområde for utbreiing av finprikkauren. Finprikkauren er ein genvariant med eit spesielt finprikka mønster, i tillegg har han eit prikkmønster i auga som virke som eit kross. Denne genvarianten finst i krysning med vanleg aure.

Fiskekultivering

Fjellstyret driv aktiv fiskekultivering i tråd med driftsplanen for fiskeressursane på Eidfjord statsallmenning. Konkret vert det drive prøvefiske, tynningsfiske, fiskeutsetjing og biotopbetrande tiltak.

Garnfiske

Garnfiske har frå gamalt vore viktig grunnlag for busetnaden i bygda. Fiskeressursane i fjellvatna vart sterkt utnytta og historiar fortel at retten til desse var viktig.

Garnfiske er ein rett innbyggjarar i Eidfjord har. I tillegg har bygder og grender i Ullensvang som frå gamalt har brukt Eidfjord statsallmenning sør for Nordmannslågen, rett til garnfiske. Fjellstyra tildeler garnfiske for denne delen.

Fjellstyret oppmoder fiskarane til å rapportera fangstresultat.

Reglar oterfiske

Fjellstyret opnar for bruk av oter for bruksberettiga med garnfiskekort. Bruk av oter vert tillate brukt i Langavatnet N, Svartavasstjørn, Svartavatn, Olavsbuvatna, Langavatnet, Nordvatnet og alle vatn sør for Nordmannslågen frå og med 15.06 til og med 14.09.