Grunngjeving

Ordningane for jakta er grunngjeve i ynskje om lokal forvaltning og styring av jakta. Det er difor viktig at alle jegerar bidreg til at;

• alle felte dyr skal registrerast i settogskutt.no (hjorteviltregisteret.no) med nøyaktig veigd slaktevekt
• hjerne- og lymfeknuteprøve frå alle felte vaksne dyr skal takast og sendast inn
• kjever skal leverast inn frå alle dyr

Ordningar for jakta: 

1. Det vert trekt rekkefølgje for tildeling. Utflytte eidfjordingar under 30 år vert trekt fyrst på varamannslista.
2. Med atterhald om tilrådd kvote vert endeleg, vert det tildelt pakke etter slik rekkefølgje; 
   pakke 1; 1 fritt dyr med 1 kalv + 1 bukk 2,5 år og eldre
   pakke 2; 2 bukk 2,5 år og eldre
   pakke 3; 1 bukk 2,5 år og eldre
   Tildelinga skal gå opp i 130 jegerar
3. Innanbygds ungdom som har lov til å delta i opplæringsjakt (fyller 16 år i år og er under 18 år) får tildelt 1 valfritt dyr + 1 kalv til pris av fellingsavgifta (kr 370,- for vaksne dyr og kr 210,- for kalv). Dette gjeld så langt kvota rekk. Utover dette vert det tildelt 1 bukk 2½ år og eldre til pris av fellingsavgifta kr 370,-.
4. Tildelte fellingsløyve vert utlevert i ekspedisjonen, betaling skal skje med bankkort eller vipps og mot framvisning av godkjent jegeravgiftskort. Det vert kravd kr 200,- i ekspedisjonsgebyr frå dei som ynskjer betaling skal gjerast kontant, og når fellingsløyve skal sendast.
5. Det vert ikkje ordning med økonomisk refusjon for innleverte kort før og under jakta.
6. Fjellstyret kjøper inn 100 stk Villreinen til utdeling til innanbygds jegerar og vidare til utanbygds så langt opplaget rekk.
7. 17 mai-komiteen får 1 fellingsløyve på bukk 2½ år og eldre som premie i 17. mai-arrangementet under føresetnad av at det vert arrangert konkurransar.
8. Jakttida vert f.o.m. 20.08 t.o.m. 27.09.
9. Nattefredinga vert frå kl 19.00 til kl 07.00.
10. Det kan vera inntil 3 medlemer på jaktlaget. Kvar jeger må vera tildelt fellingsløyve. Jaktlag kan vera samansett av inn- og utanbygdsbuande, med krav at alle må vera tildelt fellingsløyve stempla Ha-283. Frist for innsending av jaktlag til fjellstyret for godkjenning er 5. august. Ungdom i opplæringsjakt kan ikkje vera med på jaktlag.
11. Fellingsløyve skal vera innlevert fjellstyret seinast 5 dagar etter endt jakttid. Med heimel i forskrift om jakt, felling, fangst og fiske i statsallmenning, § 19, vert den som ikkje leverer inn tildelt fellingsløyve seinast 5 dagar etter endt jakt ikkje tildelt fellingsløyve året etter.
12. Innanbygds jegerar med kort tildelt frå fjellstyret kan nytta kort frå private vald i Eidfjord på statsallmenningen. Utover dette vert det ikkje tillate fellingsløyve frå andre vald brukt på Eidfjord statsallmenning utan at dette er vedteke som samjaktavtale mellom valda.
13. Berre innanbygds jegerar og jegerar frå gamla Ullensvang herad med fellingsløyve stempla Ha- 283 kan nytta Eidfjord statsallmenning sør for Nordmannslågenvassdraget.
14. Pris innanbygds:
    pakke 1, kr 2600,-
    pakke 2, kr2400,-
    pakke 3, kr 1300,
    Utanbygdsbuande betalar dobbel pris.
15. Vilkår og grensene for fredningssona slik oppretta i 2020 vert vidareført

Fredingssona

Fredningssona er merka med raudt