Kva er eit samarbeidsmøte?

To eller fleire tenester/instansar koordinerer innsatsen slik at alle arbeidar etter felles målsetningar og er kjende med kvarandre sin innsats. Bruk møtemalen de finn i “møtemal for Eidfjord kommune”.

Kva gjer du?

Gjennomfør samarbeidsmøte/nettverksmøte med føresette/barnet og tenestene som skal bidra i samarbeidet på nivå 2.

Korleis gjer du det?

Presenter saka. Avgjer kven som skal vere stafetthaldar videre. Stafetthaldar har ansvar for kontakt med familien, møteleiing, referat og å oppdatera stafettloggen.

Ansvar:

Stafetthaldar i lag med samarbeidpartnarar og familien

Kva gjer du?

Planlegg aktuelle tiltak og vegen vidare.

Korleis gjer du det?

1. Presenter saka for dei involverte partane. Planlegg aktuelle tiltak vidare: Tiltak i eiga eining, tiltak frå samarbeidande einingar/instansar og tiltak i heimen.
2. Skriv ned tiltaka i stafettloggen- skriv også ned kven som har ansvar for å gjennomføre kva.
3. Avtal tidspunkt for nytt evalueringsmøte

Hugs at barnet sine meiningar alltid skal lyttast til!

Ansvar:

Stafetthaldar i samarbeid med familien

Kva gjer du?

• Gjennomfør avtalte tiltak på aktuelle arenaer
• Bruk stafettloggen til å dokumentera
• Førebu evalueringsmøtet

Korleis gjer du det?

Hugs at barnet har rett til å seia si meining i alt som vedkjem det og at barnet sine meiningar skal vektleggjast. Avklar kven som har ansvar for å snakka med barnet i forkant av evalueringa dersom barnet ikkje skal vera med på møtet sjølv.

Ansvar:

Stafetthaldar saman med dei andre samarbeidspartane og familien.

Evaluering med føresette, barnet og alle involverte partar

Kva gjer du?

Gjennomfør evalueringsmøte der alle involverte partar er med.

Korleis gjer du det?

• Dersom barnet ikkje er med, ha med barnet si stemma inn i evalueringa
• Samla alle involverte partar
• Drøft i kva grad tiltaka har ført til at barnet sin situasjon har endra seg
• Ta med kartleggingar, observasjonar og anna dokumentasjon i evalueringa

Ansvar:

Stafetthaldar og alle samarbeidande partar i lag med familien.

Slutning og vegen vidare

Kva gjer du?

På bakgrunn av evalueringa de har gjort, fatt ei avgjerd om vegen vidare.

Korleis gjer du det?

Det er tre moglege utfall av evalueringa:

1. Tiltaka har hatt ønskt effekt, det er ikkje lenger grunn til å uroa seg. – Avslutt loggen
2. Tiltaka har effekt, men de er framleis ikkje i mål og arbeidet held fram eller de ser at tiltaka ikkje har gitt ønskt effekt, men vurderer at det kan setjast i verk andre tiltak i dei tenestene som allereie er involverte. Gå då tilbake til steg 2 på dette nivået.
3. Tiltaka har ikkje gitt ønskt effekt. Det er behov for hjelp frå eksterne tenester. Drøft den videre innsatsen.
   • Bestem aktuelle samarbeidspartnarar, lag tilvising til desse, og kall inn til møte på nivå 3.

Dersom det er uklart kva teneste som er mest tenleg å kopla på: Bruk tverrfaglegteam til å drøfta dette. Hugs samtykke frå føresette.

• Dokumenter i stafettloggen.
• Hugs å fornye samtykke frå føresette når de skal kople på nye instansar. Stafetthaldar tek ansvar for tilvising.
• Hugs også barnets rett til å medverke i eigen sak!