Kva gjer du?

Inviter til møte med barnet og føresette der målet er å oppretta digital stafettlogg. 

Korleis gjer du det?

Gå igjennom skjemaet “informasjon om stafettlogg” saman med føresette og evt. barnet. Stafettlogg sikrar dokumentasjon, samarbeid, framdrift og gode overgangar i samarbeidet med familien.

Barnet og føresette skal alltid bli høyrde og teke med i vurderingar som gjeld dei!

Ansvar:

Den som følgjer opp saka og leiar.

Kva gjer du?

Lag ei felles forståing saman med føresette og barnet om kva behov barnet har. Definer ei felles problemstilling, mål og tiltak, sjå Tilhøyrande verktøy. Dette er viktig for å kunne hjelpe barnet best mogleg. Avtal tidspunkt for oppfølgingsmøte.

Korleis gjer du det?

Før inn problemstillinga, måla og tiltaka i stafettloggen. Tiltak kan både vera tiltak i eiga eining og tiltak i heimen. Tiltak i eiga eining kan f.eks. også innebera samarbeid med PPT eller helsestasjon/skulehelsetenesta som til dømes PPT i førtilmeldingsfasen. Det er viktig å tydeleggjera kven som har ansvar for å følgje opp kva.

Hugs barnet sin rett til å medverka i eiga sak!

Ansvar: 

Den som følgjer opp saka og leiar.

Kva gjer du?

Sett i verk avtalte tiltak og førebu samarbeidsmøte.

Korleis gjer du det?

• Gjennomfør avtalte tiltak. Nytt stafettloggen til dokumentasjon av tiltaka.
• Hugs å tidfesta tiltak. Tiltaket skal evaluerast innan tre veker.
• Førebu oppfølgingsmøte.
• Dersom barnet ikkje skal vera med i møtet: Avklar kven som skal snakka med barnet i forkant av evalueringa for å få hen sin oppleving av endring.

Ansvar:

Den som følgjer opp saka, leiar

Evaluering med føresett og eventuelt barnet

Kva gjer du?

Gjennomfør det planlagde oppfølgingsmøte saman med alle involverte partar.

Korleis gjer du det?

• Dersom barnet ikkje er med, ha med barnet si stemma inn i evalueringa
• Samla alle involverte partar
• Drøft i kva grad tiltaka har ført til at barnet sin situasjon har endra seg
• Ta med kartleggingar, observasjonar og anna dokumentasjon i evalueringa
• Dersom tiltaka ikkje har fungert som venta, vurder om andre tiltak må setjast i verk

Ansvar:

Alle involverte partar i samarbeid med barnet og føresette.

Avgjersla om vegen vidare

Kva gjer du?

Fatt ei avgjerd om vegen vidare.

Korleis gjer du det?

Moglege utfall av vegen vidare:

1. Tiltaka har ønskt effekt, det er ikkje lenger grunn til bekymring. – Avslutt stafettloggen.
2. Tiltaka har effekt, men me er ikkje heilt i mål. – Arbeidet fortset i nivå 1. 
3. Tiltaka har ikkje hatt ønska effekt. Vurder om det skal setjast i gang andre typar tiltak på nivå 1
4. Tiltaka har ikkje hatt ønska effekt. Det er behov for hjelp frå eksterne tenester/einingar. Drøft videre innsats.
   Bestem aktuelle samarbeidspartnarar og inviter dei til møte på nivå 2 innan to veker. Hugs å henta samtykke frå føresette når det gjeld nye samarbeidspartnarar.

Ansvar:

Alle involverte partar i samarbeidet saman med føresette.