Kommunen er gjennom plan- og bygningslova plikta til å leggja til rette for medverknad i planprosessar, og har eit særleg ansvar for å sikra aktiv medverknad frå grupper som krev spesiell tilrettelegging, der i blant barn og unge.

Medverknad skal gå føra seg på alle nivå i samhandlingsmodellen. På kommunalt nivå betyr det at innbyggjarane skal ha moglegheit til å medverka i utarbeiding av overordna planar i kommunen. Medverknad kan gå føre seg på ulikt vis, for eksempel med opne møter eller ved involvering i høyringsprosessen. I Eidfjord kommune har me til dømes ungdomsråd, som kan nyttast for rådgjeving i planprosessen. 

Kommunen er gjennom lova forplikta til å ha oversikt over helsetilstanden til innbyggjarane og kva som påverkar den. Kunnskap om helsetilstand og andre oppvekstvilkår skal vera førande for all planlegging i kommunen, og leggja føringar for tiltak kommunen set i gang. 

Ungdata er ein lokal barn- og ungdomsundersøking der skuleelevar svarar på spørsmål om korleis dei har det, og kva dei driv med på fritida. Undersøkinga er tilpassa barn og ungdom på mellomtrinnet (5.-7. trinn), ungdomstrinnet og i vidaregåande opplæring. Svara frå undersøkinga skal brukast av kommunen i planarbeid og i anna forbetringsarbeid.

Rapporter - Ungdata 

Folkehelseprofilen er eit bidrag til kommunen sitt arbeid med å skaffa oversikt over helsetilstanden i befolkninga og faktorer som påvirkar denne,
jamfør lov om folkehelsearbeid.

Folkehelseprofil 2024 - Eidfjord