Den bestseljande romanen «Stargate – ei juleforteljing» er endeleg blitt film!
Ti år gamle Ronja bur i blokk, men draumar om ei tømmerhytte i skogen der månen lyser frå ein stjerneklår himmel. Det er desember og pappa er arbeidslaus igjen, heilt til han ein dag får jobb som juletreseljar. Endeleg luktar leilegheita granbar og kjøleskapet er fullt. Men av og til blir fristelsane for store for pappa, og Ronja og storesystera Melissa må klare seg sjølve. Saman tek dei over jobben som juletreseljarar, og skal erfare at sjølv om livet kan vere skikkeleg dritt, kan det òg på same tid vere skikkeleg fint!
Stargate – ei juleforteljing er ei rørande og hjartevarm førjulsforteljing om ein far som gjer sitt beste, men ikkje nok, ei storesyster som prøvar å fylle skoa hans, og ei lillesyster som aldri sluttar å draume. Det er ein film om venskap, om gode hjelparar og om julemagi.
Ingvild H. Rishøis elska roman Stargate – ei juleforteljing blei ein umiddelbar juleklassikar då den kom ut. Sidan har den blitt hyllest av anmeldarar og lesarar over heile verda. No er boka endeleg blitt film.
Vil du sjå denne videoen må du godkjenne funksjonelle informasjonskapslar.