• Brud- og brudgombunad og kruna kan berre leigast av personar med tilknytning til Eidfjord, det vil sei fastbuande, personar som oppvaksen i Eidfjord eller personar som har nær familie i Eidfjord (foreldre,besteforeldre)
• Brud- og brudgombunad kan berre leigast ut i samband med bryllaup
• Kruna kan leigast ut for seg sjølv, men berre i samband med bryllaup
• Jonsokbunadane kan berre lånast ut til dei som har ansvar for jonsokfeiring i Eidfjord  

• Utleigepris for brudebunadane vert justert i samband med budsjett kvart år
• Jonsokbunadane vert lånt ut vederlagsfritt i samband med jonsokfeiring i Eidfjord 

• Det kan gjerast mindre tilpasningar før bruk, men det kan ikkje vera store avvik frå måla på bunaden
• Leigar pliktar å handsama bunaden med varsemd, og skal ikkje vaska/reinsa nokon av delene etter bruk.  
• Tilpasningar og vask/rens skal utførast av den som Eidfjord kommune (EK) har gjort avtale med om tilsyn/vedlikehald
• Utleige må avtalast i god tid, leigar kontaktar det firmaet EK har avtale med  for tilpassing. 

• Det bør ikkje gjerast justeringar på jonsokbunadane. Det er to brudebunadar for utlån som har ulik storleik.
• Leigar pliktar å handsama bunaden med varsemd.
• Etter bruk skal bunaden leverast attende i same stand som ved utlån. Forkle, skjorter og sokkar skal vaskast for hand. Ver særs varsam med svartsum. Flekker elles vert fjerna med fuktig klut. Tekstilane skal ikkje strykast og sokkane skal ikkje turkast i sola. 

• Bunadane skal leverast attende straks etter bruk
• Lånar er erstatningspliktig dersom deler kjem vekk eller vert øydelagde. 

Mål på brudebunad:

• Livvidde: 79 cm
• Sidde stakk: 105 + 3 cm
• Heil lengde: 144 + 3 cm

Innhald:

1 stk sylvkrune med diverse silkeband
1 stk blondekant
1 stk sneatrøya med stakk
1 stk kaps med svartsaum
1 stk forkle 
1 stk bringeklut
1 stk komplett sylvkjede
1 stk stor bringesylje
2 stk små syljer
2 stk borrer
1 stk lekkjaknapp
1 stk sylvbelte med spenne og 25 stk stølar
1 stk handaplagg
1 stk fangreim med sylv og 2 stk fangband
1 stk brudebombe, rosemåla

Mål: 

Bunaden er tilnerma storleik M (medium)

Innhald: 

1 stk jakke med sylvknappar
1 stk vest med sylvknappar
1 stk bukse med sylvknappar og sylvspenne
1 stk skjorte med kvitsaum
1 stk sokkapar
2 stk sokkaband
1 stk lekkjaknapp
2 stk mansjettknappar

 

Eidfjord Bygdekvinnelag vart skipa 23. april 1948. Eit av arbeidsområda til laget var å skaffa bygda brudebunad. Den 29. juli 1972 vart bunaden for fyrste gong teken i bruk, og han var då forsikra for kr. 20.000,-

Brudebunaden var eit stort løft for laget, og mykje dugnadsarbeid vart lagt ned. Dyktige handverakarar laga dei ulike delane: 

• Stakk, bringestykke og bringklut: Kristi Næsheim
• Perlebanda: Helga Hereid, Bergljot Hereid, Anna Johansen, Anna Lægreid, Ragnhild Bolstad og Ragna Bu
• Brudeplagget (handaplagg): Bergljot Hereid
• Forkleborda: Gunnhild Erdal
• Saum av forkle og kaps: Astrid Nesheim
• Krage og bringeborda: Gunnvor Tveit
   

Laget vart oppløyst i 1999 og Eidfjord kommune fekk brurebunadane som gåve mot at kommunen tok på seg vedlikehald og utleige av bunadane. 
 

Eidfjord kommune har for utleige to sett med jonsokbunadar. Organisasjonen Betre Barnemiljø i Øvre Eidfjord har skaffa det eine settet av bunadane.  Skreddar Olaug Måge frå Omastrand i Kvam, saman med lokale tradisjonsberarar har produsert bunaden. Denne bunaden er utstillt på Norsk Natursenter i Øvre Eidfjord. 

Eidfjord kommune har også for utleige ein jente/bryllaupsbunad til som er lagra på kommunehuset, denne er litt mindre i storleik. Bunadane vert berre utleigd i samband med den tradisjonelle jonsokfeiringa kvart år. Det er 1. klasse ved Lægreid skule som har ansvar for feiringa. 

Etter bruk skal bunaden leverast attende i sam stand som ved utlån. Forkle, skjorter og sokkar skal vaskast for hand. Ver særs varsam med svartsum. Flekker elles vert fjerna med fuktig klut. Tekstilane skal ikkje strykast og sokkane skal ikkje turkast i sola. Lånar er erstatningspliktig dersom deler kjem vekk eller vert øydelagde. Bunadane skal leverast attende straks etter bruk. 
 

Send søknad til postmottak om du ynskjer å leige brudebunad eller jonsokbunad. Sidan bunadane til vaksne ofte må tilpassast er det viktig at du tar kontakt i god tid (jonsokbunadane kan ikkje tilpassast). Det vert berre gjort mindre tilpassingar, ein kan ikkje rekna med at bunaden vert sydd om.  Tilpassing må avtalast med Bunad Søm Eidfjord Barbara Willersrud  etter at du har inngått leigeavtale. 

Søknad om leiga av brud- og brudgombunad må innehalda: 

• Tidspunkt for utleiga
• Tilknytning til Eidfjord