8 Kommuneorganisasjon
For å oppnå best mogeleg straumlinja tenesteyting til beste for innbyggjarane, er det naudsynt å tenkja samhandling. Dette må skje på alle nivå i organisasjonen, mellom ulike nivå og etatar, mellom kommunen og innbyggjarane, samt i høve til eksterne medspelarar. Det skal vera god kvalitet på tenestene våre, og kvar enkelt skal få dei tenestene som dei har krav på . Gjennom samhandling og samarbeid ønskjer me å vidareutvikla og styrkja det viktige utviklingsarbeidet som frivillig sektor gjer for Eidfjordsamfunnet.
Mål:
- ha eit god samarbeid mellom politikarar og administrasjon
- vera ein attraktiv arbeidsplass
- vera ein nytenkjande og lærande organisasjon
- yta god service
- samarbeida med andre kommunar for å løysa noverande og framtidige utfordringar
- ha eit godt samarbeid med offentlege instansar
- involvera innbyggjarane i utviklinga av Eidfjordsamfunnet
- styrkja samarbeidet med frivillig sektor
Strategi:
Me får eit godt samarbeid mellom politikarar og administrasjon ved å
- ha ein klår rollefordeling og arbeidsdeling mellom politisk og administrativt nivå
- ha gode rapporteringsrutinar og styringsverkty
- vera gode ambassadørar for Eidfjord kommune som organisasjon og tenesteprodusent
Me vert ein attraktiv arbeidsplass ved å
- ha god personalpolitikk som speglar kommunen si verdiplattform; likeverd, tillit, respekt, ærlegdom, lojalitet
- satsa aktivt på kompetanseutvikling og la medarbeidarane ta del i utviklinga av tenestene
- arbeida aktivt for å få ned sjukefråværet
- ha fleksible og gode arbeidsordningar
Me får ein nytenkjande og lærande organisasjon ved å
- gje tid og rom for kreativitet, utprøving og fleksibilitet
- fokusera på det me får til, og læra av det
- satsa på utviklingsarbeid og kompetanseheving, gjerne i samarbeid med KS og andre kommunar og aktørar
Me yt god service ved
- at alle tilsette i Eidfjord kommune har ansvar for god service til innbyggjarane og andre
- å gje raske svar
- verta ein «e-kommune» med ei god heimeside, der alle kan finna informasjon og få utført tenester digitalt
- ha offentleg informasjon tilgjengeleg på fleire språk
- nytta sosiale medium i dialog med innbyggjarane
- ha moderne , integrerte IKT-verktøy i alle tenesteområde der dette er tenleg
Me får eit godt samarbeid med andre kommunar for å løysa noverande og framtidige utfordringar ved å
- vera ein aktiv aktør i Hardangerrådet
- vera aktiv for å få til interkommunalt samarbeid på område der dette kan styrkja tenestene og let seg gjennomføra praktisk
Me får eit god samarbeid med offentlege instansar ved å
- ha ein aktiv dialog med aktuelle statlege og fylkeskommunale instansar, både politisk og administrativt
- ha eit god samarbeid med Statens Vegvesen for å sikra framtidig utbetring av vegnettet
- halda fram samarbeidet med politi- og lensmannstenesta om eit- «i vid tyding»- trygt Eidfjordsamfunn
Me involverer innbyggjarane i utviklinga av Eidfjordsamfunnet ved å
- gjennomføra prosessar for medverknad i planarbeid
- nytta sosiale medium i dialogen med innbyggjarane
- nytta heimesida aktivt
- engasjera lokalmiljø, og særleg barn og unge, i viktige politiske prosessar og saker
Me får styrka samarbeidet med frivillig sektor ved å
- aktivt kommunisera med aktørar innan frivillig sektor
- kunna bidra økonomisk til aktivitet i frivillig sektor
- ha ein aktiv rolle med å formidla eksterne tilskotsordningar
- oppmuntra og ta vare på eldsjeler
- vera lyttande, merksam og hjelpsam når aktørar frå frivillig sektor ønskjer å iverksetja aktivitetar