Helsestasjonen er eit tilbod til alle barn mellom 0-5 år, foreldre, gravide og partnarar. Når du får barn, tek me kontakt med deg for å avtale det første møtet med deg og babyen din.

Er du ny i bygda må du sjølv ta kontakt med helsesjukepleiar på helsestasjonen.

Vårt første møte vert på heimebesøk, eller vektkontroll på helsestasjonen om du kjem tidleg heim frå fødeavdelinga. Då kjem heimebesøket etterpå.

Her tek me med vekt for å vega barnet, og tilbyr rettleing om ammeteknikk og/eller morsmjølktillegg, og informerer om helsestasjonen sine tilbod. 

Neste møte vert på helsestasjonen, i samtale med helsesjukepleiar. Her tek me utgangspunkt i det du lurar på, og me fylgjer babyen sin utvikling og vaksinering.

Me har òg faste legekontrollar der me sjekkar at alt står bra til med babyen din ved 6 veker, 6 mnd, 1 år og 2 år. 

Me ber om at de ikkje tek med sjuke barn til helsestasjonen, men heller kontaktar eigen fastlege eller legevakt.