Kven arbeider i skulehelsetenesta?

Skulehelsetenesta i Eidfjord består av helsesjukepleiar, lege og fysioterapeut.

Ved behov samarbeider me med andre fagpersonar og tenester, til dømes sjukepleiar psykisk helse og rus, kommunepsykolog, PPT og BUP. 

Skulehelsetenesta skal bidra til at elevane opplever meistring i kvardagen og få kunnskap om eiga helse.

Tenesta arbeider etter nasjonal fagleg retningsline, og tilbyr ei rekkje faste konsultasjonar - Helsestasjon, skolehelsetjeneste og helsestasjon for ungdom - Helsedirektoratet

• Helsesamtalar
• Vaksinering i tråd med barnevaksinasjonsprogrammet
• Måling av høgde og vekt
• Undervisning i grupper og klassar
• Råd og rettleiing om fysisk, psykisk og sosial helse
• Drop-in / open dør for elevar som ynskjer ein samtale eller har spørsmål

Les meir om faste konsultasjonar i skulehelsetenesta på helsenorge.no

• Elevane kan kome innom utan avtale eller henvende seg via lærar/føresette
• Elevar kan òg ta kontakt via Teams, telefon eller e-post (Ikkje skriv eigne eller andre sine personopplysningar i sms, e-post eller Teams, be heller om at me tar kontakt)

Føresette kan òg ta kontakt med skulehelsetenesta

Dersom du som føresett opplever at barnet ditt har helseutfordringar som påverkar læring, trivsel eller skulekvardagen, kan du ta kontakt med skulehelsetenesta.
Me kan, i samarbeid med skulen og familien, bidra med råd, rettleiing, tilrettelegging og oppfølging. Dette kan vere aktuelt dersom barnet opplever helseutfordringar, mobbing, vanskelege livshendingar eller ein krevjande familiesituasjon.

Helsepersonell har teieplikt

Helsesjukepleiarar, lege, jordmor og psykolog har streng teieplikt. Det betyr at dei ikkje har lov til å fortelje vidare det de snakkar om. Dersom du har snakka med helsesjukepleiar, lege eller anna helsepersonell, kan dei ikkje fortelje nokon kvifor du har vore der eller kva de har snakka om.
Det finst nokre unntak frå denne regelen. Nokre gonger må helsepersonell gi opplysningar om deg vidare, til dømes til politiet eller barnevernet, dersom det er fare for at du kan skade deg sjølv eller andre, eller dersom det er tydeleg at du ikkje har det bra heime.

Ungdom mellom 12 og 16 år

Dersom du er mellom 12 og 16 år, kan du be om at foreldra dine ikkje blir kontakta. Det er likevel helsepersonellet som avgjer i slike tilfelle.

Ungdom over 16 år

Er du over 16 år, blir opplysningar om deg ikkje delte med foreldra dine utan at du har sagt ja til det. Nokre gonger kan helsepersonellet gi opplysningar til foreldra dine sjølv om du er over 16 år, dersom informasjonen er nødvendig for at foreldra dine skal kunne oppfylle foreldreansvaret sitt. I slike tilfelle skal du få informasjon om at helsepersonellet tek kontakt med foreldra dine.

Eidfjord kommune ivaretek informasjonstryggleik og personvern i samsvar med reglane i personvernerklæringa.

Personvern i Eidfjord kommune