Ergoterapitenesta
Ergoterapi er eit tilbod til menneske som av ulike årsaker har, eller står i fare for å få, vanskar med å utføra og meistra daglege aktivitetar. Ergoterapeuten tek utgangspunkt i kva som er meiningsfullt og viktig for deg, og bidrar til å finne ei løysing når det oppstår eit gap mellom helse og kvardagen sine krav.
Tilbodet kan vera aktuelt i alle aldersgrupper og livsfasar.
Ergoterapeuten gjev tilbod om
- • Samtale om aktivitetar som er viktig for deg for at du skal oppleva mestring av eigen kvardag
• Kartlegging, testing og funksjonsvurdering
• Trening på å meistra dei daglege aktivitetane dine
• Råd, rettleiing og tilpassing av fysiske omgjevnadar
• Vurdering av behov for hjelpemiddel, søknad om hjelpemiddel og opplæring i bruk
• Tilpassing av bustad, slik at du kan bu lengre i eigen heim
Om tenesta
Ergoterapeuten deltek i tverrfaglege team som kvardagsrehabilitering og hukommelsesteam. I Eidfjord kommune er det ein ergoterapeut i 50 % stilling, som har kontor på Bygdaheimen.
Tenesta er gratis.