Tryggleiksalarm er eit tilbod til heimebuande som føler seg svært utrygge. Alarmen skal bidra til å auka tryggleik slik at brukarane kan bu heime eller i omsorgsbustad så lenge som mogeleg. I ein akuttsituasjon skal brukar ved hjelp av tryggleiksalarm ha mogelegheit for å tilkalla hjelp.
Søknadsskjema om pleie- og omsorgstenester
Kriterer for tildeling
- Personen må ynskja å få alarm og søkja om det
- Brukar må ha eigen telefon
- Brukar må kunna forstå funksjonen til tryggleiksalarmen
- Brukarar som bur aleine vert prioritert, men for søkjarar i ein familiesituasjon skal familien sin totalsituasjon verta veklagt.
- Brukar har redusert bevegelsesevne med fare for fall
- Brukar har kronisk sjukdom som hindrar bruk av telefon
- Brukar har alvorleg sjukdom der behovet for fagleg bistand frå helsepersonell/akutt hjelpebehov kan oppstå
Lovgrunnlag
Tryggleiksalarm er ikkje ei lovpålagt teneste. Ved søknad skal det fattast enkeltvedtak.
Kva får du?
- Mogelegheit for å tilkalla hjelp 24 timar i døgeret
- Opplæring i bruk av alarmen
- Når brukar har behov for hjelp skal hjelpa vera på plass så snart råd er
- Brukar av tryggleiksalarm er kopla mot sentral i Hamarøy som vidareformidlar alarmen til heimetenesta/Bygdaheimen.
- Telefonisk kontakt eller bistand frå helsepersonell ved utløyst alarm
- Test av alarm i samsvar med rutine.
Kva må du gjera?
- Søkja om tryggleiksalarm
- Gjera deg kjendt med innhaldet i vedtaket og tenesteskildringa
- Ta kontakt ved behov for informasjon, råd og rettleiing og ev. klage
- Alarmen vert nytta når uventa situasjonar oppstår
- Alarmen skal berast heile døgeret
- Brukar varslar vaktsentral ved lengre fråvær
- Alarmen vert handsama forsvarleg
- Samtykke til at nøkkelboks vert montert på utsida av huset for innlåsing av husnøkkel
- Brukar eller deira pårørande syter for framkomeleg veg til bustaden
Kva kostar det?
Brukar må betala månadleg leige for tryggleiksalarmen – for tida kr. 145. Leiga vert fastsett årleg av kommunestyret.
Slik søkjer du:
Publisert 15.03.2019 01.15
Sist endra 11.04.2024 12.47