Det er fleire planarbeid på gang der det er lett å blanda og verta forvirra. Emnene er nært knytt til kvarandre, og resultatet av prosessane har stor relevans for kvarandre.
Tiltaksplan
Tiltaksplanen for Hardangervidda villreinområde samlar tiltak som skal bidra til ein levedyktig villreinbestand. Planen byggjer på kvalitetsnorma for villrein, som klassifiserer tilstanden i området, og på faglege tilrådingar frå regionale arbeidsgrupper. Tiltaka tek omsyn til innspel frå mellom anna kommunar, grunneigarar og frå opne folkemøte. Målet om god tilstand for villreinen skal bli nådd gjennom tiltaka i planen.
Her er det framlegg som gjeld både innanfor og utanfor nasjonalparken, om alt frå stenging av stiar/hytter, og revidering av forvaltningsplan/verneforskrift, til forbod og regulering av enkelte ferdselsformer.
Nylege hendingar:
02. Juli 2026: Regjeringa publiserer vedteke Tiltaksplan for Hardangervidda villreinområde.
9. oktober 2025: Miljødepartementet inviterer til opent møte på Raulandsakademiet, Rauland kl 17:00-18:30.
02. juli 2025: Forslag til tiltaksplan frå Klima og miljødepartementet er kome ut på høyring.
15.oktober 2024: Oppfylgjande dialogmøte med kommunane om enkelte tiltak.
30. september 2024: Frist med å koma med tilbakemelding etter møte.
16. september 2024: Lukka og opent møte på Geilo med Klima- og Miljødepartementet (KLD) om foreslåtte tiltak.
Status og framtidig arbeid:
Tiltaksplanen er vedteke. Tiltaksplanen er ikkje juridisk bindande, men skal vere ein samla plan for tiltak som myndigheiter på statleg, fylkeskommunalt og kommunalt nivå, frivillige organisasjonar, rettshavarar, grunneigarar og andre aktørar i villreinområdet skal prøve å gjennomføre. Formålet er å samle tiltak som er, kan eller skal bli vedtatt, gjennomført eller vurdert i ein felles tiltaksplan, og å betre koordineringa av arbeidet med å betre tilstanden for villreinen i Hardangervidda villreinområdet.
Sti- og løypeplan Hardangervidda
Felles sti- og løyeplan for Hardangervidda er eit tiltak i handlingsprogrammet til regional plan for Hardangervidda. Føremålet med planverket er å betra villreinens moglegheit til å nytta dei ulike funksjonsområda (sommer-, vinter- og kalvingsområder) innanføre leveområdet, og moglegheit for trekk innad og mellom funksjonsområdene.
Arbeidet starta opp hausten 2021, og er framleis pågåande. Kommunene, fylkeskommunene, statsforvaltere og Villreinnemnda medvirker gjennom samarbeidet i Hardangerviddarådet.
Planen skal foreslå tiltak som kan redusere negative effekter av menneskelig ferdsel på villreinens arealbruk og trekkmuligheter. Innenfor rammene av hva som er forsvarlig av hensyn til villrein, skal det legges til rette for reiseliv og friluftsliv.
Nylege hendingar:
14. april 2026: Hardangerviddarådet vedtar Felles sti- og løypeplan for Hardangervidda.
September 2025: Gjennomført dialogmøter om forslag til Sti- og løypeplan.
Juni 2025: Forslag til Sti- og løypeplan er kome på høyring. Høyringsfristen er satt til 15. oktober 2025.
15. mai 2025: Hardangerviddarådet vedtok forslag til sti og løypeplan. Forslaget kjem ut på open høyring i løpet av sommaren.
Haust 2023 - Haust 2024: vurdering og analysering av tiltak
Vår 2022 - haust 2023: kartlegging av Hardangervidda og arbeid med innspel
Haust 2021- vår 2022: innspelsperiode oppstart av planarbeid
Status:
Hardangerviddarådet har vedtatt Felles sti- og løypeplan for Hardangervidda. Planen vart levert som eit samla fagleg og politisk innspel til statens tiltaksplan for Hardangervidda villreinområde 16. april 2026. Den vil og væra eit viktig grunnlag for kommunale planprosessar og vidare arbeid med revisjon av forvaltningsplanen for verneområdene på Hardangervidda.
Forvaltningsplanen:
Planen er eit samla fagleg og politisk innspel til statens tiltaksplan for Hardangervidda villreinområde, og vil også væra eit viktig grunnlag for kommunale planprosessar og vidare arbeid med revisjon av forvaltningsplanen for verneområda på Hardangervidda.
Nylege hendingar:
28. oktober 2025: Statsforvaltaren har orientering i kommunestyremøte.
28. oktober 2025: Kommunestyret har handsama kommunen si innstilling til oppstart av arbeidet.
25. oktober 2025: Frist med å koma med innspel før oppstart.
24 september 2025: Open møte om oppstart av arbeidet med ny forvaltningsplan.
Status:
Det er oppretta sekreteriat, styringsgruppa og prosjektgruppa. Dei ulike gruppene er i gang med arbeid. Det er Statsforvaltarane som leiar arbeidet. Status kan du sjå på deira heimeside.
Ny motorferdsellov
Dette er ein prosess som ikkje er direkte tilknytt tiltaksplanen og forvaltningsplanen. Det vil regulera motorferdsel i heile landet. Endringar vil kun påverka ferdsel innanfor verneområdet, dersom det er situasjonar der ny motorferdsellov er strengare enn verneforskrift.
Endringar om å avgrensa køyring i parken innanfor eit bestemt tidsrom (til dømes at all skutertransport skal skje før 1. april), er henta frå tiltaksplanen, og er ikkje relatert til ny motorferdsellov.
Ny motorferdselslov er vedteke, og er kunngjort på lovdata. Det er ikkje kunngjort når den nye lova vil trå i kraft.