Ljosvandringa går rundt Ostangen og endar ved ungdomshuset/gamle skulen. Langs løypa får publikum oppleva det store mangfaldet av aktivitetar og tilbod som finst i Eidfjord.
I samband med arrangementet vil ordføraren tenna vinterljosa rundt tusenårsstaden.
Vis fram laget eller aktiviteten dykkar
Me ønskjer at lag, foreiningar og andre aktivitetar etablerer postar langs løypa der de kan visa fram det de driv med.
Publikum kan gå løypa i sitt eige tempo og stoppa ved dei aktivitetane som interesserer dei.
De kan til dømes tilby:
- framføringar
- verkstader der publikum kan delta
- aktivitetsløyper
- konkurransar
- servering
- utstillingar og plakatar
- andre kreative aktivitetar
Me oppmodar flest mogleg om å leggja aktiviteten utandørs slik at det vert liv og aktivitet langs heile løypa.
Aktivitetar innandørs
Ungdomshuset vil vera ope under arrangementet.
Dersom aktiviteten dykkar må gjennomførast innandørs, kan de nytta ungdomshuset som lokale eller scene.
Slik melder de dykk på
Påmeldingsfrist er 16. oktober 2026.
Send påmelding til kultursjef Bergljot Maria V. Hauso på e-post:
bmv@eidfjord.kommune.no
Når de melder dykk på, ber me om at de opplyser om:
- kva aktivitet de ønskjer å visa fram
- om de har særskilde behov for plassering
- om de treng plass innandørs
Kvart lag eller kvar foreining må i utgangspunktet sjølv syta for nødvendig utstyr.
Praktisk informasjon
Etter påmeldingsfristen sender me ut informasjon om plasseringar og praktisk gjennomføring.
Dersom det er behov for det, vil me invitera til eit informasjonsmøte for deltakarane.
Eidfjord kommune vil marknadsføra arrangementet på nett og i avisene.
Me håpar de vert med
Ljosvandringa er ei fin moglegheit til å visa fram det store mangfaldet av aktivitetar og tilbod for barn, vaksne og eldre i Eidfjord.
Kjenner de til lag, foreiningar eller aktivitetar som bør vera med? Del gjerne informasjon om arrangementet vidare.