Bakgrunn: 

Bakgrunnen for vilkårsparkering er eit ynskje om å få betre kontroll på trafikk og parkering i sentrum.  

Etter at kommunestyre vedtok i budsjett for 2025 at gebyrforskrift skulle innførast i 2026, herunder vilkårsparkering, vart det i oktober 2025 vedteke rammene for vilkårsparkering.  
I samband med arbeidsgruppa for sentrumsutvikling (AGSU) har 3RW utarbeida ei moglegheitsstudie kor tiltak for å betra flyten i sentrumsområda har vore vurdert.  
Det er sett på både fysiske og strukturelle endringar. Innføring av vilkårsparkering på kommunale parkeringsplassar vart føreslått som eit av tiltaka for å auka sirkulasjon i sentrum

Målsetnad:

Målet med vilkårsparkering er å få betre kontroll på trafikkflyten og sirkulasjonen av køyretøy i Eidfjord sentrum. I turistsesongen er presset på både trafikk og parkering stort, og kommunen ynskjer å leggja til rette for at parkeringsplassane vert meir tilgjengelege og nytta av fleire.

Kommunen meiner at tidsavgrensing på parkering kan bidra til større sirkulasjon på parkeringsplassane og gjera det enklare for besøkande å finna ledige plassar. Dette kan igjen styrkja aktiviteten i sentrum og vera til nytte for næringslivet.

Samtidig understrekar kommunen at vilkårsparkering åleine ikkje vil løysa utfordringane med trafikk og parkering. Ordninga må sjåast i samanheng med andre tiltak for sentrumsutvikling, mellom anna betre gang- og sykkelvegar, tryggare kryssingar og meir oversiktlege trafikkområde.

Evaluering:

Kommunen skal evaluera vilkårsparkeringa jamleg, og hausten 2027 blir det gjennomført ei større evaluering saman med bedrifter og private parkeringseigarar for å vurdera om ordninga bør justerast 
 

Lenker:

Politiske saker om vilkårsparkering: 
Eidfjord formannskap sak 26/031 
Eidfjord kommunestyre sak 26/037