Eidfjord kommune må sikra at det er rett person dei handsamar opplysningar om, og treng difor informasjon som namn, adresse, fødsels- og personnummer for å ha oversikt og kontroll over at alle opplysningar er korrekte.
Vidare skal Eidfjord kommune tilby grunnskuleopplæring slik opplæringslova krev, og må difor handsama personopplysningar om elevar og føresette. Når Eidfjord kommune handsamar personopplysningar vil det til dømes seia at kommunen samlar inn opplysningar, registrerer dei, set dei saman, lagrar dei eller leverer dei ut. Handsaminga av personopplysningar vert ført i protokoll. Ei lovpålagt oppgåve kan til dømes vera gjennomføring av nasjonale prøvar og eksamen.
Dersom Eidfjord kommune skal handsama opplysningar som ikkje er lovpålagte, vil elevar og føresette verta informerte og kan gje samtykke til handsaminga. Eit slikt samtykke kan trekkjast tilbake når som helst. Dette kan til dømes vera samtykke til å dela bilete av eleven på skulen si heimeside.