På helsestasjonen i Eidfjord møter du helsesjukepleiar, lege og fysioterapeut.

Ved behov samarbeider me med andre fagpersonar og tenester, til dømes fastlege, sjukepleiar psykisk helse og rus, kommunepsykolog, PPT og BUP. 

Tenesta arbeider etter nasjonal fagleg retningsline, og tilbyr ei rekkje faste konsultasjonar - Helsestasjon, skolehelsetjeneste og helsestasjon for ungdom - Helsedirektoratet

Helsestasjonen fylgjer eit standardisert program med 14 konsultasjonar. Fyrste konsultasjon er heimebesøk til nyfødde. Konsultasjonane på helsestasjonen vert gjennomført fram til barnet er fire år.

Helsestasjonen er ei helsefremjande og tverrfagleg helseteneste, og består av helsesjukepleiar, lege og fysioterapeut.

Det er helsesjukepleiar som utfører dei fleste oppgåvene i helsestasjonstenesta.

Helsestasjonen samarbeider mellom anna med fastlegar, andre tenester for barn og unge i kommunen og spesialisthelsetenesta.

Føremålet med helsestasjonen er å bidra til auka helsekompetanse og at foreldre opplever meistring i foreldrerolla.

Helsestasjonen tilbyr regelmessige konsultasjonar som følgjer eit standardisert program med 14 konsultasjonar. Den fyrste konsultasjonen er heimebesøk til nyfødde. Konsultasjonane på helsestasjonen blir gjennomførte fram til barnet er fire år.

Helsesjukepleiar snakkar med alle foreldre om tema som samspel mellom foreldre og barn, søvn, mat og den generelle utviklinga til barnet. Andre tema kan vere rusmiddelbruk, vald og omsorgssvikt. Du kan òg ta opp tema du har behov for å snakke om.

Les meir om helsestasjonsprogrammet på helsenorge: Helsestasjonen for barn fra 0-5 år - Helsenorge

På konsultasjonane blir vekta, lengda/høgda og hovudomkrinsen til barnet målt. Barnet får vaksinar som blir tilbydde gjennom det nasjonale barnevaksinasjonsprogrammet Barnevaksinasjons­­programmet - Helsenorge

Tenesta arbeider etter Nasjonale faglege retningsliner.

Helsestasjonen mottek fødselsmelding om nyfødde frå fødeavdelinga. Helsesjukepleiar tek kontakt og tilbyr heimebesøk til familien seinast 7-10 dagar etter utskriving frå sjukehuset.

Er du nytilflytta til Eidfjord, må du sjølv ta kontakt med helsestasjonen.

Du kan enkelt kontakta helsestasjon og skulehelsetenesta i kommunen din på HelseNorge. Her kan du finna helsekontaktane dine, senda meldingar, sjå og avbestilla timeavtalar.

Fyrste gongen du bruker HelseNorge på vegne av barnet ditt, må du samtykka på vegne av barnet.

Les meir om korleis du går fram på: Bruke Helsenorge på vegne av barn - Helsenorge

Har du ikkje tilgang via HelseNorge, ta kontakt.

Kontopplysningar

Helsesjukepleiar Marie Tveit

marie.tveit@eidfjord.kommune.no

90536321

NB: Ikkje oppgje personopplysningar i sms eller e-post, be heller om at me tar kontakt.

Lov om pasient- og brukarrettigheiter, gjev barnet ditt rett til helsekontroll, og som føresette pliktar de å fylgje opp dette. Tilbodet på helsestasjonen bidreg til at barnet får sine rettigheitar oppfylt. De kan og få oppfylging av barnet hjå fastlege.

Føresette er ansvarleg for å gje beskjed til helsestasjonen/fastlege om barnet flyttar til ein annan kommune eller til eit anna land.

Helsepersonell har teieplikt

Helsesjukepleiarar, lege, jordmor og psykolog har streng teieplikt. Det betyr at dei ikkje har lov til å fortelja vidare det de snakkar om. Dersom du har snakka med helsesjukepleiar, lege eller anna helsepersonell, kan dei ikkje fortelja nokon kvifor du har vore der eller kva de har snakka om.
Det finst nokre unntak frå denne regelen. Nokre gonger må helsepersonell gi opplysningar om deg vidare, til dømes til politiet eller barnevernet, dersom det er fare for at du kan skada deg sjølv eller andre, eller dersom det er tydeleg at du ikkje har det bra heima.

Ungdom mellom 12 og 16 år

Dersom du er mellom 12 og 16 år, kan du be om at foreldra dine ikkje blir kontakta. Det er likevel helsepersonellet som avgjer i slike tilfelle.

Ungdom over 16 år

Er du over 16 år, blir opplysningar om deg ikkje delte med foreldra dine utan at du har sagt ja til det. Nokre gonger kan helsepersonellet gi opplysningar til foreldra dine sjølv om du er over 16 år, dersom informasjonen er nødvendig for at foreldra dine skal kunne oppfylla foreldreansvaret sitt. I slike tilfelle skal du få informasjon om at helsepersonellet tek kontakt med foreldra dine.

Du skal få informasjon om di helse, sjukdom og behandling på eit språk du forstår. Har du vanskeleg for å forstå og snakke norsk, har du rett til tolk på det språket du ynskjer. Les meir om rett til tolk i helsetjenestensta på HelseNorge: Tolk i helsetjenesten – rett til informasjon på ditt språk - Helsenorge

Eidfjord kommune ivaretek informasjonstryggleik og personvern i samsvar med reglane i personvernerklæringa.

Personvern i Eidfjord kommune