Folkehelseinstituttet har laga ein oversikt over kva vaksinar som er tilrådde for vaksne, eldre og innbyggjarar med kronisk sjukdom. 

Sjå oversikta på FHI sine nettsider.

I vaksinetenesta på nettsidene til HelseNorge, kan du sjekka når du sist fekk ulike vaksinar. På HelseNorge kan du òg lesa om dei forskjellige sjukdommane som det er tilrådd at du vaksinerer deg mot. 

Ein del fastlegar tilbyr ulike former for vaksinar. Kontakt ditt fastlegekontor, for å få informasjon om din fastlege set vaksinane du har behov for og kva prisen er for dei ulike vaksinane.

På legekontoret kan du få vaksinar i Vaksenvaksinasjonsprogrammet.

Du kan òg motta ei rekkje ulike vaksinar hos reisemedisinske klinikkar. I tillegg tilbyr apotek mange former for vaksinar. Kontakt din næraste reisemedisinske klinikk eller apotek, og for å få informasjon om kva vaksinar dei set og kva som er prisen for dei ulike vaksinane.  

(Gravide får tilbod om gratis kikhostevaksine på ordinær svangerskapskontroll hos jordmor. ) SJEKK OM DETTE STEMMER

Du får den totale oversikten over tilrådde vaksinar for vaksne på FHI sine nettsider, men me vil likevel framheva nokre sjukdomar der det er ekstra viktig at du som er i målgruppa vel å ta vaksine.

Influensa

Alle over 65 år og i risikogruppene bør ta den årlege influensavaksinen om hausten.

Lungebetennelse

Pneumokokkvaksine (vaksine mot lungebetennelse) vert tilrådd for innbyggjarar over 65 år og personar med risiko for alvorleg sjukdom.

Fra og med 2025 vil alle som er 65 år få tilbod om pneumokokkvaksine i Vaksenvaksinasjonsprogrammet.

Les meir om pneumokokkvaksinar på FHIs sider.

Korona

Alle over 65 år og i risikogruppene bør ta haustens koronavaksine.

Difteri, kikhoste, tetanus og polio

Vaksne som ikkje tidlegare er vaksinert med tre dosar vaksine mot difteri, tetanus, kikhoste og polio, bør sørgje for at dei får dette (grunnvaksinasjon).  
Alle personar som er grunnvaksinert mot difteri, tetanus, kikhoste og polio, bør få ein oppfriskningsdose kvart tiande år.

Kikhoste

Gravide får no tilbod om denne vaksinen gratis på svangerskapskontroll for å beskytte barnet når det er nyfødt.

Vaksenvaksinasjonsprogrammet er eit tilbod til befolkninga i landets kommunar om vaksine mot korona og influensa til alle som er 65 år og eldre, samt barn og vaksne i risikogrupper. FHIs tilråding om oppfriskingsdose for korona gjeld dei som er 75 år og eldre, samt barn og vaksne i risikogrupper. Alle mellom 65 og 74 år kan likevel få vaksine gjennom vaksinasjonsprogrammet om dei sjølve ynskjer. I tillegg får 65-åringar tilbod om vaksine mot pneumokokksjukdom.

Målet med vaksinasjonsprogrammet er å førebyggja sjukdom og dødsfall. Det vert sendt påminningar til personar over 65 år som ikkje har nytta seg av vaksinasjonstilbodet.

Les meir om vaksinar i Vaksenvaksinasjonsprogrammet på FHIs sider

Prisoversikt for vaksinar i programmet per 2025

• Sesonginfluensa: 301 kroner
• Covid-19: 110 kroner
• Pneumokokk (Prevenar 20): 110 kroner
• Sesonginfluensa og covid-19: 386 kroner
• Sesonginfluensa og pneumokokk (Prevenar 20): 386 kroner
• Covid-19 og pneumokokk (Prevenar 20): 170 kroner 
• Sesonginfluensa, covid-19 og pneumokokk (Prevenar 20): 471 kroner 

Nokre vaksinar kan du få samstundes, medan andre krev eit minsteintervall mellom kvar enkelt vaksine:

• Du kan få koronavaksine og influensavaksine samstundes med pneumokokkvaksine (vaksine mot lungebetennelse). Det er ikkje lenger nokon regel om intervall på sju dagar mellom dei nemnde vaksinetypane.
• Unntaket er for bebuarar på sjukeheim. Dei kan ikkje få vaksine mot korona og influensa samstundes. For sjukeheimsbebuarar er det naudsynt med eit intervall på minst éin veke mellom korona- og influensavaksinen. 

Sjå òg FHIs oversikt over anbefalte intervall mellon vaksinedosar (fhi.no)

Gravide er tilrådd influensavaksine i 2. eller 3. trimester før vintersesongen, når vaksinen vert tilgjengeleg om hausten. (lenke til FHI). 

Gravide med tilleggssjukdommar som gir auka risiko for alvorleg sjukdom bør kontakte fastlegen for vurdering av behov for koronavaksine.

I tillegg får gravide tilbod om gratis kikhostevaksine i svangerskapsveke 24 på ordinær svangerskapskontroll hos jordmor.  SJEKK TEKST 

Eidfjord kommune ivaretek informasjonstryggleik og personvern i samsvar med reglane i personvernforordninga.

Les meir om korleis kommunen handterer personopplysningar.