Folkehelseinstituttet har laga ei oversikt over kva for vaksinar som er tilrådde for vaksne, eldre og innbyggjarar med kronisk sjukdom. Sjå oversikta på FHI sine nettsider:

Hvilke vaksiner anbefales til voksne? - FHI

I vaksinetenesta på nettsidene til HelseNorge kan du sjekke når du sist fekk ulike vaksinar. 

Sjekk hvilke vaksiner du har tatt - Helsenorge

På Helsenorge – din helse på nett - Helsenorge kan du lesa om dei ulike sjukdomane det er tilrådd at du vaksinerer deg mot. 
 

Ein del fastlegar tilbyr ulike former for vaksinar. Kontakt fastlegekontoret ditt for å få informasjon tilgjengelegheit og pris. 

Du kan òg få ei rekkje ulike vaksinar hos reisemedisinske klinikkar. I tillegg tilbyr apotek mange former for vaksinar. Kontakt næraste reisemedisinske klinikk eller apotek for å få informasjon om kva vaksinar dei set, og kva prisen er for dei ulike vaksinene.

Gravide får tilbod om gratis kikhostevaksine på ordinær svangerskapskontroll hjå jordmor. Kikhostevaksine til gravide - FHI 

 

Du får den totale oversikten over tilrådde vaksinar for vaksne på FHI sine nettsider. Me vil likevel framheva nokre sjukdomar der det er ekstra viktig at du som er i målgruppa vel å ta vaksine.

Influensa

Alle over 65 år og i risikogruppene bør ta den årlege influensavaksinen om hausten.

Influensavaksine – håndbok for befolkningen - FHI

Lungebetennelse

Pneumokokkvaksine (vaksine mot lungebetennelse) vert tilrådd for innbyggjarar over 65 år og personar med risiko for alvorleg sjukdom.

Frå og med 2025 vil alle som er 65 år få tilbod om pneumokokkvaksine i Vaksenvaksinasjonsprogrammet.

Les meir om pneumokokkvaksinar på FHIs sider.

Korona

Alle over 65 år og i risikogruppene bør ta haustens koronavaksine.

Koronavaksine – håndbok for befolkningen - FHI

Difteri, kikhoste, tetanus og polio

Vaksne som ikkje tidlegare er vaksinerte med tre dosar vaksine mot difteri, stivkrampe, kikhoste og polio bør sørgje for å få dette (grunnvaksinasjon).

Alle som er grunnvaksinerte mot difteri, stivkrampe, kikhoste og polio bør få ein oppfriskingsdose kvart 10. år. Gravide får no tilbod om denne vaksinen gratis på svangerskapskontroll for å beskytte barnet når det er nyfødd.

Vaksenvaksinasjonsprogrammet Vaksiner til voksne - FHI er eit tilbod til befolkninga i landets kommunar om vaksine mot korona og influensa til alle som er 65 år og eldre, samt barn og vaksne i risikogrupper. 

FHI si tilråding om oppfriskingsdose for korona gjeld dei som er 75 år og eldre, samt barn og vaksne i risikogrupper, men alle mellom 65–74 år kan likevel få vaksine gjennom vaksinasjonsprogrammet om dei ønskjer det. I tillegg får 65-åringar tilbod om vaksine mot pneumokokksjukdom.

Målet med vaksinasjonsprogrammet er å førebyggje sjukdom og dødsfall. Det vil bli sendt påminningar til personar over 65 år som ikkje har nytta seg av vaksinasjonstilbodet.
Les meir om dei aktuelle vaksinane i Vaksenvaksinasjonsprogrammet på FHI sine sider:

Vaksiner mot sykdommene i voksenvaksinasjonsprogrammet – håndbok for befolkningen - FHI

Prisoversikt for vaksinar i programmet

Nokre vaksinar kan du få samstundes, medan andre krev eit minsteintervall mellom kvar enkelt vaksine:

• Du kan få koronavaksine og influensavaksine samstundes med pneumokokkvaksine (vaksine mot lungebetennelse). Det er ikkje lenger nokon regel om intervall på sju dagar mellom dei nemnde vaksinetypane.
• Unntaket er for bebuarar på sjukeheim. Dei kan ikkje få vaksine mot korona og influensa samstundes. For sjukeheimsbebuarar er det naudsynt med eit intervall på minst éin veke mellom korona- og influensavaksinen. 

Gravide er tilrådd influensavaksine i 2. eller 3. trimester før vintersesongen, når vaksinen blir tilgjengeleg om hausten. 

Gravide med tilleggssjukdomar som gir auka risiko for alvorleg sjukdom bør kontakte fastlegen for vurdering av behov for koronavaksine.

I tillegg får gravide tilbod om gratis kikhostevaksine i svangerskapsveke 24 på ordinær svangerskapskontroll hos jordmor.
 

Eidfjord kommune ivaretek informasjonstryggleik og personvern i samsvar med reglane i personvernforordninga.

Les meir om korleis kommunen handterer personopplysningar.

For information about vaccination for adults and risk groups that is given through the adult immunisation programme, as well as vaccines for adults and risk groups that are given outside the the adult immunisation programme, follow this link to Norwegian Institute of Public Health