Alle som er elevar i grunnskulen kan søkja. Vaksne søkjarar får plass dersom det er ledige plassar.

Kulturskulen har sine lokal i Samfunnshuset på Lægreid. Der har dei øvingsrom, studio, storsal, og kontor.

Me prøver å leggja opp undervisninga slik at det ikkje skal kollidera med andre aktivitetar. Kulturskulen følgjer skuleruta for grunnskulen.

Kulturskulen har dette utstyret:

• Piano
• El-piano
• Hardingfeler
• Fioliner
• El-gitarar
• El-bassar
• Akkustiske gitarar
• Trommesett
• El-trommesett
• Vibrafon
• Xylofon

Har òg tilgang til:

• Blåseinstrument
• Pauker (4 stk)
• Grand Casa
• Klokkespel

Kulturskulen lånar ut hardingfeler, fioliner, og blåseinstrument.

Du kan søkja om plass i kulturskulen heile året. Men, før nytt skuleår ber me om å få inn søknadane til 1. juni slik at me kan få gjort unna elevopptaket og laga avtalar med lærarane før sommarferien.
 

Tildelt plass i kulturskulen gjeld fram til han vert sagt opp. Oppseiing må skje innan to månader før nytt semester, og du gjer det gjennom SpeedAdmin.

Søk om plass, endra, eller sei opp plassen din i kulturskulen

SpeedAdmin

SpeedAdmin er kulturskulen sitt administrasjonsprogram. Her er alle elevar, aktiviteter, lærarar osv. registrert.

Det fine med systemet er at du som elev, eller føresett, kan logga deg på og få oversikt over timeplan, gjera endringar i personlege opplysingar, som telefonnummer, e-postadresser, namn osv.

Når du vert registrert i SpeedAdmin skal du få tilsendt eit passord frå kulturskulen. Har du ikkje fått dette, eller det er gløymt, ta kontakt med oss.

Du loggar på slik:

• Brukarnamn - eleven sin fødselsdato (ddmmåå)
• Passord - vert tilsendt frå kulturskulen (eks. W3Q4E5)

Du kan òg logge deg på ein WebApp via din smarttelefon og lett få oversikt over nyehende, konsertar, timeplan og andre ting.