Alkohollova regulerer tilgjenge av alkoholhaldig drikk blant anna gjennom bevillingssystemet, ved fastsetting av vilkår for korleis sal og skjenking skal skje, samt kontroll med at vilkåra vert overhaldne. Lova inneheld også reglar som tek sikte på å påverka etterspurnad, som for eksempel forbod mot reklame. Alkohollova er difor eit godt reiskap når kommunen skal arbeida fram ein rusmiddelpolitisk handlingsplan (Helse- og omsorgsdepartementet, 2006)

Alkoholhaldig drikk vert inndelt etter alkoholinnhaldet i drikken:

• Gruppe 1: med over 2,5 og høgaste 4,7 volumprosent alkohol (i hovudsak øl)
• Gruppe 2: med over 4,7 og høgast 22 volumprosent alkohol (i hovudsak vin)
• Gruppe 3: drikk med mellom 22 og 60 volumprosent alkohol (brennevin)

Lov om omsetning av alkoholholdig drikk m.v (alkohollova)

Forskrift for sals-, skjenke- og opningstider samt retningsliner for sals- og skjenkeløyve, Eidfjord kommune

Kommunen kan i hovudsak tildela to typar løyve

• Salsløyve
• Skjenkeløyve

Alkohollova § 1-7 og 1 – 7a gjev retningsliner for sakshandsaming ved søknad om løyve.
- Lokalet skal vera godkjend i samsvar med plan- og bygningslov, av brannmynde og mattilsynet
- Det skal føreliggja serveringsløyve
- Det er vandelskrav for personar i bedrifta; eigar, styrar og stadfortredar skal godkjennast. Det skal innhentast uttale frå politi, sosialtenesta og skatte/avgiftsmynde

Det er gjort endringar i Alkohollova §1-6. Nytt av lova er at kommunal bevilling til sal av alkoholhaldig drikk gruppe 2 og 3 kan verta gitt for 4 år av gongen, med opphør seinast 30. september året etter at nytt kommunestyre tiltrer. Det er mogeleg å gje løyve for ein viss del av året eller for eit visst høve.

Kommune kan stilla vilkår til eit løyve. Kommunen står likevel ikkje heilt fritt, då vilkåra må ha sakleg samanheng med løyvet, t.d. skal det fremja føremålet med alkohollova, letta kontrollen eller forhindra skadeverknadane. Vilkåret må ikkje vera urimeleg tyngjande eller urimeleg av andre grunnar. Di klarare vilkåret fremjar føremålet med lova, di tyngre vilkår kan ein akseptera (Helse- og omsorgsdepartementet, 2006).

Ut over dette er det stort rom for å bruka skjønn når kommunen skal gje løyve. Generellt kan ein sei at alle omsyn som fremjar føremålet med alkohollova er relevante.

Kommunestyret avgjer:
- om det skal vera alkoholhaldig drikk i kommunen
- om salet skal skje ved eigne utsalstadar (monopol) eller i daglegvarebutikk
- om salet skal skje over disk eller som sjølvbetjeningssal

For alle løyve skal det betalast ei årleg avgift for sal av alkoholhaldig drikk, denne avgifta var i 2016 kr. 1540,- i tilegg kan det krevjast eit ettergebyr i forhald til omsetjingsmengde

I Eidfjord har daglegvarebutikkane salsløyve for alkoholhaldig drikk i gruppe 1, pr. 01.01.2017 er det 3 utsalsstadar. I fylgje alkohollova er det ikkje lov å selja alkohol frå kiosk eller bensinstasjon.
Alkohollova inneheld føresegn om normal- og maksimaltid for sal og skjenking av alkohol. Men kommune kan sjølv avgjerda sals- og skjenketidene innanfor makstida. Ein kan ha kortare eller lengre opningstid enn normaltid. Sal av alkoholhaldig drikk gruppe 1 skal skje som sjølvbetjeningssal i daglegvareforetningar og enkelte spesialforetningar.

Sal av gruppe 1 skal vera i samsvar med maksimaltid i alkohollova:
- måndag til fredag frå kl. 08:00-20:00
- kl. 08:00 – 18:00 på dagar før sundag og helligdagar, unnateke Kristi Himmelfartsdag

Sal og utlevering av alkoholgruppe 1 skal ikkje skje på:
- sundagar og helligdagar
- 1. mai og 17. mai

Det er opna for at verksemder som produserer alkohol med styrke under 4,7 volumprosent, for skjenking (konsum på staden) i eiga verksemd, kan få lov å ha eige utsal for sal (til å ta med seg heim). Slike varer kan ikkje seljast andre stadar, ynskjer ein det, må ein verta bryggeri eller produsent av alkohol med statleg løyve.

Kommunestyret avgjer:

- om det skal vera skjenking av alkoholhaldig drikk i kommunen
- om talet på skjenkestadar skal avgrensast
- om skjenkeløyve skal avgrensast til spesielle driftskonsept
- kor lang skjenketida skal vera

Alle som innehar sals- eller skjenkeløyve skal kvart år betala eit gebyr til kommunen, jfr. alkohollovens § 7-1. 
Gebyret skal reknast på grunnlag av forventa omsett mengde alkoholholdig drikk.

Skjekeløyvet kan omfatte alkoholhaldig drikk i gruppe 1,2 og 3. Løyvet kan gjelda generellt eller berre for visse tider av året, eller som einskildløve. Det kan også gjevast ambulerande skjenkeløyve (eige punkt 5.2)

Maksimal opningstid vert sett f.o.m. kl. 0600 til 0300.

Skjenkinga kan skje til desse tider:

• Skjenking for alkoholgruppe 1 og 2 mellom kl. 0800 og 0200 alle dagar.
• Skjenketid for alkoholgr. 3 er mellom kl. 1300 og 0200 alle dagar.
• Skjenking er tillate på røystedagen for stortingsval, fylkestingsval, kommunestyreval og folkerøysting.
• Skjenketidene gjeld ikkje for overnattingsgjestar (lovfesta).
• I tillegg til skjenketida har gjestane ein ½ time til å drikka ut utskjenkt alkoholhaldig drikke som er skjenkt ut før utløpet av vedteken skjenketid.
   

Etter alkohollova kan det gjevast løyve til ulike bestemte høve. Definisjon av desse og grunnlag er beskrive i «Forskrift for sals- , skjenke- og opningstider samt retningsliner for sals- og skjenkeløyve i Eidfjord kommune».

Forskrift for sals-, skjenke- og opningstider samt retningsliner for sals- og skjenkeløyve, Eidfjord kommune

Hovudelement for ordninga:

• Kommunane kan etter ei skjønnsmessig vurdering få utvida skjenkeløyve til å omfatta tilverknad av øl og vin til skjenking i eiga verksemd
• Det er eit vilkår at tilverknaden framstår som ein del av serveringsstaden sitt heilskapelege tilbod og karakter. Elles vert det ikkje stilt ytterlegare krav for å inneha eit slikt utvida løyve enn det som gjeld for skjenkeløyvet
• Ordninga representerer eit avgrensa unntak frå alkohollova sitt kapittel 6, som bestemmer at all tilverknad av alkohol, med unntak av tilverknad av øl og vin til eige bruk, krev statleg tilverkarløyve

Ordninga opnar for at verksemder som alt har skjenkeløyve kan få utvida løyve til å gjelda produksjon av øl og vin til skjenking i eiga verksemd. Vin er då fruktbasert drikk med alkoholstyrke under 22 volumprosent (sider produsert på eple, pære og ev. sukker kjem under dette).

Produksjonsløyve for tilverknad av alkohol i gruppe 1 og 2 som skal skjenkast i eigen verksemd skal tildelast etter retningsliner trekt opp av Sosialdepartementet. I tildelinga vert det lagt vekt på tradisjon, kultur og lokal produksjon. Produksjonsprosess og utstyr må tilfredstilla krav til hygiene og krav i næringsmiddellova, det er produsent som har dette ansvaret. Kommunen er løyvemynde for slike saker. Eventuelle søknadar om tilverkarløyve for produksjon av øl og vin er staten sitt ansvar. Om ein har tilverkarløyve. Kan ein og få lov til å importera alkoholvarer. Verksemder som vil selja alkohol andre stadar enn i eige lokale, må ha statleg tilverkarløyve.

Kommunestyret har vedteke skjenketider i KST-sak 16/038

Eidfjord kommune er tilknytta de interkommunale skjenkekontrollen i Kvam og det er dei som ivaretek oppgåvene med kontroll av sals- og skjenkeløyve. Gjennomføring av kunnskapsprøvar er beskrive i «Forskrift for sals- , skjenke- og opningstider samt retningsliner for sals- og skjenkeløyve i Eidfjord kommune».

Det er kome  nye reglar pr. 1. januar 2016 på inndraging av sals- og skjenkebevillingar jfr. «Forskrift om omsetning av alkoholholdig drikk mv. (alkoholforskriften)» kap. 10. Det er innført eit prikkesystem der kommunen ved lovbrot etter kontroll gjennomført i samsvar med forskrifter skal tildele bevillingshavar eit bestemt tal prikkar.