Fyrverkeri og oppbevaring av farleg stoff

Det er tillate å bruka fyrverkeri utan løyve mellom kl. 18:00-02:00 på nyttårsaftan.

Ynskjer du å bruka fyrverkeri utanom nyttårsaftan, må du søkja om dette. Merk at slik søknad skal sendast til politiet, og ikkje til Eidfjord kommune.

Sal av fyrverkeri

Brannvesenet må gje løyve for å selja fyrverkeri i klasse 2 og 3. Salperioden i Eidfjord er mellom 27.-31. desember, og du må søkja innan 1. mai det året du vil selja fyrverkeri. Søknaden sender du til Eidfjord kommune.

Kva fyrverkeri tilhøyrer klasse 2 og 3?

Klasse 2: Markfyrverkeri og mindre romerske ljos, soler og anna fyrverkeri med avgrensa fareområde.

Fyrverkeri i denne kategorien er forbunde med låg risiko og støynivå, og er berekna til utandørs bruk i fysisk avgrensa områder.

Klasse 3: Rakettar, luftbomber, eldbeger og større romerske ljos, bombebatteri og liknande.

Fyrverkeri i denne kategorien er forbunde med middels risiko, og er berekna til utandørs bruk i større, fysisk opne områder og dersom støynivået ikkje er helseskadeleg.

Merk at aldersgrense for begge kategoriar er 18 år.

Les om trygg bruk og kjøp av fyrverkeri

Oppbevaring av farleg stoff

Brannvesenet er den primære tilsynsmyndigheita når det gjeld dei aller fleste anlegg som håndterer farleg stoff.

Kor mykje farleg stoff kan eg oppbevara?

I bueining kan det oppbevarast inntil 55 liter brannfarleg gass kategori 1 og 2 og inntil 10 liter brannfarleg væska kategori 1 og 2.
I garasje, i utvendig bod, båthus eller liknande kan det for personleg bruk oppbevarast inntil 90 liter brannfarleg gass kategori 1 og 2 og inntil 50 liter brannfarleg væska kategori 1 og 2.
I serveringsstad, i overnattingsstad og i forsamlingslokale er det ikkje tillatte å oppbevara brannfarleg gass kategori 1 og 2, med mindre særskilte tiltak er iverksett.

Meldegrenser for enkelte vanlege stoff

Meldegrenser for enkelte vanlege stoff
Stoffgruppe	Mengde	Døme på stoff
Brannfarleg gass i kategori 1 og 2	0,4 m³	LPG (propan, butan eller blandingar av desse), hydrogen, LNG (flytande naturgass), biogass og acetylen
Brannfarleg væska kategori 1 og 2	6,0 m³	Metanol, etanol og bensin
Diesel og fyringsoljer	100,0 m³	Diesel, gassolje og lett fyringsolje
Giftig gass kategori 1, 2 og 3	0,4 m³	Klor, ammoniakk og svoveldioksid

Når ein privatperson eller ei verksemd oppbevarer eller ynskjer å oppbevara farleg stoff over visse mengder, skal det meldast inn elektronisk til DSB via Altinn

Forskrift om håndtering av farleg stoff

Publisert 05.03.2019 13.42

Eidfjord kommune

Fyrverkeri og oppbevaring av farleg stoff

Fyrverkeri og oppbevaring av farleg stoff

Sal av fyrverkeri

Oppbevaring av farleg stoff

Kontakt

Opningstider