Endring av reguleringsplan

Eidfjord kommune har motteke søknad frå Norconsult AS om endring etter forenkla prosess av reguleringsplan for Kvednavegen – Sjobakkane (planid: 2007011) forgnr/bnr 25/314. I medhald av plan- og bygningslova §12-14 legg Eidfjord kommune endringa ut på høyring og til offentleg ettersyn.

Føremål og planprosess

Føremålet med planendringa er å regulera ca. 60 kvm frå friareal til bustadføremål. Bakgrunnen for endringa er kjøp av tilleggsareal til bustadtomta. Kjøp av tilleggsareal vart godkjent av kommunen som privat grunneigar i sak 25/056 i Eidfjord formannskap. Planendringa gjer endringar i plankart. Reguleringsendringa vil skje etter forenkla prosess jf. plan- og bygningslova §12-14.

Søknad om endring av plan er tilgjengeleg via kommunen sitt digitale planregister 

Høyring og offentleg ettersyn av planforslag

I samsvar med pbl. § 12-14 vert forslaget lagt på høyring og til offentleg ettersyn.

• Frist for innspel til høyringa er 29.05.2026. 
• Innspel skal merkast med saksnummer 26/792
• Innspelet kan sendast per e-post til postmottak@eidfjord.kommune.no ,
  eller per brev til Eidfjord kommune, Simadalsvegen 1, 5783 Eidfjord.