Det er fortsatt venta mykje regn i Eidfjord, men sluttidspunktet for farevarselet er endra av Meteorologisk institutt til midnatt natt til torsdag.
Iløpet av morgonkvisten onsdag 5. mars vart det meldt inn skader på tre kommunale vegar:
- Lisetvegen – nedbøren gjort store skader på vegbanen, som førte til stengt veg. Det er forventa at det kan sleppast bilar forbi, ca. kl 16:00 onsdag 5. mars.
Oppdatering kl 16:15:
Ufordrande tilhøve med å få vegen kjørbar gjer at Lisetvegen ikkje vart opna som ynskt. På noverande tidspunkt er det vanskeleg å sei når den kan opna. Ny vurdering vert gjort ca. 17:30
Oppdatering kl 17:20:
Bilar kan passere. Lisetvegen er midlertidig fiksa, og vart køyrbar ca. kl 17:15 onsdag 5. mars. Dekket er no kun pukk og vegen er i dårleg stand. Eidfjord kommune håpar vegen vil halda seg til nedbørsmengdene gir seg. Ytterligare arbeid på vegen må skje når det vert betre vèr. - Isdalsvegen – nedbøren gjort skader på vegen, som førte til begrensa framkommelegheit. Skadene vart retta opp, og normal framkommelegheit på vegen frå kl 12:00 onsdag 5. mars
- Kvamsvegen – nedbøren hadde og her gjort skade på vegen, som førte til stengt veg. Vegen er forventa opna til kl 15:00 onsdag 5. mars.
Dei råka innbyggjarane og hytteeigarane har vorte varsla av Eidfjord kommune på sms undervegs.
Eidfjord kommune ber alle framleis halda seg oppdaterte, og passa på at bekkar og kummar på og rundt eigendomane sine er mest mogleg frie, slik at vatnet kan renna fritt der det skal.
Faren for jord- og sørpeskred er stor, og Eidfjord kommune ber alle vera varsame.
Driftavdelinga vår er ute for å overvåka kommunalt vegnett og eigedomar.
Det er ikkje meldt om prevantive stengte riks- eller fylkesvegar i Eidfjord kommune, men vegar kan verta stengt på kort varsel.
Hald deg oppdatert på 175.no eller vegvesenet.no på trafikkmeldingar.