Spørjeundersøking

Barnefamiliepanelet er ei spørjeundersøking om barn og unge si fritid. Resultatet frå undersøkinga gjev kunnskap som kommunane og fritidstilbydarar kan bruka i arbeidet med å leggja til rette for betre tilbod, og skapa gode lokalsamfunn.

Invitasjonane til å delta i undersøkinga vert sendt ut på e-post til alle med folkeregistrert adresse i Eidfjord og resten av Vestland som har barn i alderen 3 til og med 17 år. Spørsmåla i undersøkinga handlar om ulike forhold rundt fritidslivet til barnefamiliane, slik som barnet sine medievanar og deltaking i kulturaktivitetar, idrett og fritidstilbod, i tillegg til spørsmål om forelderen sine fritidsvanar, økonomi og utdanning. Det tek om lag 15 minutt å svare på undersøkinga.

Kvifor er undersøkinga viktig?

Resultata frå undersøkinga vil gje eit godt kunnskapsgrunnlag for kommunen, institusjonar og organisasjonar innan kultur, idrett, friluftsliv og andre fritidsområde.

Undersøkinga er relevant for folkehelsearbeidet, drift og planlegging innan kommunen sine ansvarsområde som samfunnsutvikling, oppvekst, helse, velferd og kultur.

Barnefamiliepanelet

Deltakarane i undersøkinga vert ein del av Vestland sitt barnefamiliepanel. I Bergen kommune har barnefamiliepanelet vorte gjennomført fire gonger sidan 2019. Barnefamiliepanelet vart gjennomført i heile Vestland for første gong i 2022 og vert gjennomført for andre gong i juni 2025.

• Les meir om undersøkinga i 2025. 
• Les meir om Barnefamiliepanelet på nettsidene til Vestland fylkeskommune.
• Sjå rapportane og les meir om Barnefamiliepanelet på nettsidene til Bergen kommune.
• Lenke til nyheit på Vestland fylkeskommune sine nettsida.