Søknad

• Søknadsskjema
• Søknadsfrist 20.06.2025
• Merk søknaden med arkivsakID: 25/673

Om barnehagen

Modnen barnehage har 4 avdelingar med plass til 57 born. Det er ca 20 tilsette i ulike stillingsstorleikar. Barnehagen ligg fint til med naturen og skogen som næraste nabo. I tillegg har me basseng og idrettshall rett ved sida av barnehagen. Barnehagen er godt utstyrt digitalt og me jobbar aktivt med inkluderande barnehagemiljø.

Me ser etter deg som er glad i å leika, læra og undre deg saman med borna, som alltid er på bornas nivå og som er engasjert i jobben du gjer. Eit viktig mantra for barnehagen er tidleg innsats gjennom systematisk arbeid, fokus på gode relasjonar og dialog.  

Om stillinga

Vil du jobba i eit miljø prega av glede og humor, der haldningar og verdiar vert jobba med kontinuerleg?

Me søkjer etter ein barnehagelærar i fast stilling. Som barnehagelærar bruker du di faglege, pedagogiske og etiske kompetanse for å leggja til rette for at barnegruppa og det enkelte barnet er trygt. 

Det kan vera aktuelt at barnehagelærar får funksjon som pedagogisk leiar, ved behov frå august 2025.

Arbeidsoppgåver

• Ansvar for det faglege og pedagogiske arbeidet på avdelinga
• Arbeida målretta i tråd med rammeplan for barnehagens oppgåver og innhald, og lov om barnehagar
• Bidra til å utvikla eit godt arbeidsmiljø og leggja til rette for eit godt samarbeid med føresette

Kvalifikasjonar

• Godkjent treårig bachelor barnehagelærarutdanning  
• Gode munnlege og skriftlege norskferdigheiter
• God digital kompetanse i eige planarbeid og saman med borna

Personlege eigenskapar

• Gode samarbeidsevner, både internt og eksternt, og kunne bidra positivt i jobbfellesskapet
• Evne til å kunna arbeide sjølvstendig og ta initiativ til oppgåver som må gjennomførast
• Fleksibel og endringsvillig  
• Omsorgsfull, og legg stor vekt på å skapa gode og trygge relasjonar
• Evne til å ta ansvar for eigen utvikling og ta til deg ny kunnskap
• Evne til å ha oversikt, organisera og tilpassa arbeidet etter borna sine behov

Me tilbyr

• Spanande og varierte oppgåver på ein fagleg utfordrande arbeidsplass i eit godt tverrfagleg miljø.
• Konkurransedyktige vilkår
• Løn etter kommunalt avtaleverk og elles tilsetjing på vanlege kommunale vilkår
• Moglegheit til å søkja støtteordningar og tilrettelegging for relevant vidare- og etterutdanning
• Gode pensjonsordningar
• Fagleg engasjerte kollegaar i eit godt og varmt arbeidsmiljø med rom for alle, og med visjonar om å skapa gode robuste team som er oppteken av fagleg utvikling
• Ein barnehage som er framoverlent og som ynskjer å vera med å utvikla barnehagefeltet
• Team som er godt etablerte på tvers av avdelingane  
• Betre bemanningsnorm enn dei sentrale føringane
• Hjelp til å skaffa husvære  
• I tillegg er Eidfjord ein av kommunane du kan søkja om nedskriving av studielån

Tilsetjingsvilkår

• Godkjent politiattest må leggjast fram før tiltreding i stillinga
• Arbeidsspråket er nynorsk

Kontakt

For spørsmål om stillinga kontakt:

• Styrar Grete Næss, tlf.: 990 34 547
• Assisterande styrar Silje Aurdal Riber, tlf.: 482 39 443

Velkomen som søkjar!

Eidfjord kommune er i spanande utvikling, og er ei aktiv bygd omgitt av flott natur. Me treng fleire med på laget som kan vera med på å skapa vekst og utvikling i kommunen. Saman med andre dyktige medarbeidarar skal me levera gode tenester og løysa samfunnsoppdraget.