Søknad

• Søknadsfrist: 11.01.2026
• Søknad med CV sender du på elektronisk skjema
• Arkivsak nr: 25/2293
• Oppstartsdato etter avtale

Om stillinga

• 2 delt turnus dag og kveld
• Arbeid i turnus med 364 helgetimar pr år, ulike løysingar: langvakt, ordinære vakter eller kombinasjon
• Økonomisk kompensasjon for helgetimar ut over 255 gjeld turnus for 2026
• Funksjonstillegg på kr 17 000 for godkjent medisinkurs

Arbeidsoppgåver

• Sjølvstendig ansvar for at fagleg arbeid og tiltak vert utført i samsvar med vedtekne mål og retningsliner
• Leggja til rette for brukarmedverknad
• Yta personleg bistand, pleie og omsorg
• Miljøskapande arbeid i avdelinga
• Ivareta dokumentasjonsplikt
• Bidra til at utvikla og vedlikehalda kvaliteten på det faglege arbeidet
• Rettleia og informera pasientar, pårørande, kollegaer, studentar, elevar, og lærlingar
• Medverka til fullt forsvarleg, helsefremjande og inkluderande arbeidsmiljø

Ynskte kvalifikasjonar

• Offentleg godkjenning/autorisasjon som helsefagarbeidar/hjelpepleiar
• Det er ynskjeleg med godkjent medikamentkurs, men ikkje eit krav
• Ufaglærte med relevant erfaring oppmodast til å søkja. Det vert lagt til rette for
  å ta fagbrev innan ein avtalt periode.
• Førarkort klasse B
• Beherska norsk – både munnleg og skriftleg, B1

Me ser etter deg som:

• Er sjølvstendig og fagleg trygg
• Skapar gode relasjonar og samarbeid
• Er utviklingsorientert, engasjert og strukturert
• Har eit positivt og løysingsorientert syn

Me tilbyr

• Ein arbeidsgjevar som satsar på heiltidskultur med gode turnusordningar der tilsette kan koma med innspel til eigen turnus
• Godt arbeidsmiljø
• Moglegheiter for personleg og fagleg utvikling
• Moglegheit til utdanning og kompetanseheving
• Gode pensjons- og forsikringsordningar
• Bedriftshelseteneste

Tilsetjingsvilkår

• Gyldig politiattest må leggjast fram ved tilsetjing.
• Arbeidsspråk er nynorsk

Andre opplysningar

Arbeidsspråk er nynorsk

Spørsmål om stillinga

Dersom du har spørsmål om stillinga kan du ta kontakt med

• avdelingsleiar Margunn Lægreid tlf 414 68 449
• kommunalsjef Karin Flatabø Thrane tlf 951 38 645

Om Eidfjord og tenesta

Eidfjord kommune er i spanande utvikling, og er ei aktiv bygd omgitt av flott natur. Me treng fleire med på laget som kan vera med på å skapa vekst og utvikling i kommunen. Saman med andre dyktige medarbeidarar skal pleie og omsorg levera gode tenester og løyse samfunnsoppdraget.

Bygdaheimen er basen i pleie- og omsorgstenesta i Eidfjord kommune. Sjukeheimen var ny i 2019 og ligg nydeleg til på Brotkanten. Det er 20 bebuarplassar på Bygdaheimen fordelt på somatisk avdeling og demensavdeling. Tenesta er integrert noko som betyr at dei tilsette jobbar fleksibelt mellom avdelingane på Bygdaheimen og i heimetenesta. Me har fokus på kvalitet og har sidan 2013 årleg delteke i nettverk i regi av USHT.

Hjå oss brukar me årsturnus når me lagar arbeidsplan, dette gjev deg moglegheiter til å vera med å påverke eiga arbeidstid. Lange vakter i helgene gjev moglegheit til å få periodar med turnusfri for deg og gjev oss moglegheit til å gje kollegaene dine høg stilling. Dette fører igjen til ei kompetent og godt kjend kollegagruppe.