Me treng sommarvikarar i perioden mai – september.

• Søknadar må sendast via søknadslenke
• Søknadsfrist 18. mars

Her vil du få ein meiningsfull sommarjobb med varierte arbeidsoppgåver og nyttig arbeidserfaring. Mogelegheit for vidare tilsetjingstilhøve i barnehage og på bygdaheimen.

På arbeidsstaden vil du arbeida tett med erfarne og flinke kollegaer. Sommarvikarane våre får felles informasjon før tilsetjing.

I søknaden kan du skriva nokre ord om deg sjølv, og vel i prioritert rekkefylgje kva type arbeidsplass du ynskjer sommarjobb i. Du må òg skriva kva tidsrom du kan arbeida i, og kor stor stilling du ynskjer.

Me gjer merksam på at etter offentleglova § 25 kan opplysningar om søkjaren verta offentlege sjølv om søkjaren har oppmoda om ikkje å verta ført opp på søkjarlista. Dersom oppmodinga ikkje vert teke til fylgje, vert søkjaren varsla om dette.

Godkjent politiattest må leggjast fram før tilsetjing i stilling innan barnehage og Bygdaheimen.

Modnen barnehage er ein fireavdelings barnehage med plass til 57 barn. Barnehagen ligg fint til med naturen og skogen som næraste nabo, og med eit stort og variert uteområde.

Arbeidsoppgåver

Me ser etter deg som er glad i å leika, læra og undra deg saman med barna,
som alltid er på barna sitt nivå, og som er engasjert i jobben du gjer.

Kvalifikasjonar:

• Barnehagelærar
• Studentar innan barnehagelærar
• Barne- og ungdomsarbeidar
• Sommarvikarar med interesse for fagfeltet

Kontaktperson

Grete Næss

Bygdaheimen er basen i pleie- og omsorgstenesta i Eidfjord kommune. Sjukeheimen var ny i 2019 og ligg nydeleg til på Brotkanten. Det er 20 bebuarplassar på Bygdaheimen fordelt på somatisk avdeling og demensavdeling.

Me søkjer etter sommarvikarar innan:

• Pleie- om omsorg (Bygdaheimen og heimesjukepleie)
• Heimehjelp
• Vaskeri
• Aktivitetsavdelinga
• Kjøkken på Bygdaheimen
• Kontormedarbeidar (bemanning og telefon)

Arbeidsoppgåver:

Me ser etter deg som er glad i å vera i lag med eldre, aktivisera dei og vera med å gje praktisk hjelp til pasientar og bebuarar på Bygdaheimen.

Kvalifikasjonar:

• Sjukepleiarar
• Helsefagarbeidarar
• Studentar innan sjukepleie
• Helsefagarbeidar eller anna med relevant bakgrunn
• Sommarvikarar med interesse for fagfeltet

Kontaktperson:

Karin Flatabø Thrane

• Park og grøntareal
• Avfallshandtering
• Fordel med klasse BE (minstekrav kl B)

Arbeidsoppgåver:

Utedrift arbeidar med grøntareal og avfallshandtering, og andre oppgåver

Kontaktperson:

Thomas Eide

Me prioriterar dei som:

• er over 18 år
• vil arbeida 4 veker eller meir
• har interesse for, og/eller erfaring innan nemde fagfelt.
• personar med førarkort klasse B der dette vert krevd i høve stillinga
• møter andre menneske på ein respektfull og open måte

Me tilbyr:

• Ein meiningsfull sommarjobb
• Verdifull og nyttig arbeidserfaring
• Godt arbeidsmiljø
• For ufaglærte søkjarar kan me tilby utdanningsløp og opplæring slik at du kan
  ta fagbrev som helsefagarbeidar om du held fram med å jobba hjå oss