Med heimel i plan- og bygningslova §10-1 har Eidfjord kommunestyre i sak 24/137 vedteke planstrategi for perioden 2024-2027. 

Planstrategi Eidfjord kommune 2024-2027

Les planstrategien i PDF-format (PDF, 496 kB).

Bakgrunn for kommunal planstrategi

Planstrategien er ikkje ein plan, og skal ikkje ta stilling til innhaldet i planane. Den skal synleggjera utviklingstrekka i kommunen, og peika på planbehov for å styra utviklinga i den retninga ein ynskjer. Planstrategien skal ta stilling til kva planer det nye kommunestyret meiner skal setjast i gang, reviderast eller vidareførast. 

Planstrategien får ingen direkte rettsverknad for kommunens innbyggjarar, men skal nyttast i prioriteringsarbeidet til dei folkevalde.

Det er krav til samarbeid med statlege og regionale mynder og nabokommunar, men det er ikkje høve for mynder å fremja motsegn til planstrategien. Kommunen skal gjennom strategien ta omsyn til regional og nasjonal politikk. Retningsliner og forventningar til kommunal planlegging frå overordna mynder vert lagt til grunn for arbeidet.

Arbeidet er organisert som eit samarbeid mellom ei politisk valt styringsgruppa og administrasjonen, sak 24/007 og 24/009 syner organiseringa. Det er utformast eit kunnskapsgrunnlag som skal syna kommunen sin status og utfordringar knytt til demografi, næringsutvikling og klima og miljø.

Punkter frå planstrategien

Planstrategien for 2024-2027 har hovudfokus på infrastruktur, turisme og næring. Som omtalt i planstrategien har kommunen fleire pågåande prosjekt knytt til kartlegging av turismen i kommunen. I høve dette er det naturleg å prioritera planarbeid som vil bygga vidare på desse resultata. Me vil arbeida med planverk knytt til besøksforvaltning, trafikktilhøver og aktivitet/friluftsliv.

Det er valt å prioritera planoppgåver knytt til næringsutvikling og bustadstrategi for å sikra at kommunen er næringsvenleg, tilrettelegg for arbeidsplassar og bulyst i distriktet. Planstrategien syner prioritering av planverk for vatn- og avlaup, noko som er viktig for å kunna førespela framtidsutgifter, oppgraderingar og tilrettelegga nye anlegg. 

I opplæringssektoren er det skissert behov for vurdering av bygningskroppen Lægreid skule. Skuleområdet vert definert som eit større prosjekt ein skal arbeida med i tidsperioden.

Planstrategien har tatt stilling til dei overordna kommuneplanane. Kommuneplanen sin arealdel er under rullering. Kommuneplanen sin samfunnsdel er vedteken i 2016, denne har “utløpsdato” i 2027. Kommunen har lagt føringar i planstrategien at ein skal starta opp arbeid med ny samfunnsdel mot slutten av planperioden.

Kommunale planstrategier frå tidlegare politiske periodar: