Folk i alle aldersgrupper opplever branntilløp på komfyren – alt frå unge som lagar nattmat, til travle småbarnsfamiliar og eldre som gløymer at komfyren står på.
Me oppmodar difor alle å installere komfyrvakt! Ein komfyrvakt kuttar straumen dersom du gløymer å slå av plata. Det kan redde heimen din frå brann.
Onsdag 10. februar går den årlege nasjonale komfyrvaktkampanjen av stabelen. Brann-Norge vil med dette auke merksemda rundt komfyrbrannar. Det viktigaste enkelttiltaket for å redusere talet på brannar og branntilløp på komfyren er å installere komfyrvakt.
Dette bør du vite om komfyrvakt
Foto: DSB
Publisert 10.02.2021 10.41
Sist endra 12.01.2023 14.18