- Løyve kan gjevast til eigar/dokumenter leigar av jakt/fiskebu, turisthytte eller stølshus, og utøvar av allmenningsrett (storviltjakt, garnfiske, beitebruk) i statsalmenninga.
- Transport skal vera naudsynt og om mogleg samordna med anna transport til området. Sameiget/grunneigarlaget vert oppmoda til å gje innspel til ynskt omfang i området.
- All transport skal utførast av personar eller selskap med luftfart som næring
- Landing og start med luftfartøy er tillate på Bismarvatnet, Dimmedalsvatnet, Halnevatnet i tilknytning til Halnebrygga og på Nordmannslågen ved Besso samt innafor ei sone på maksimalt 100 meter frå desse vatna
- Transport med helikopter/sjøfly kan nyttast til transport til hytter/stølshus/jakt-og fiskebuer for;
- uttransport av felt storvilt og utbytte frå garnfiske frå eit omfang på minst 50 garndøgn
- material, utstyr og proviant som ikkje let seg transportera på vinterføre
- eldre/uføre med lang tilknytning til området
- fiskekultivering
- Der utgangspunktet for transporten er anna plass i utmark enn godkjente landingsplassar, må det søkjast om landing og behovet spesielt synleggjerast.
- Lufttransport som ikkje absolutt må utførast i yngle- og hekketida skal utførast etter 15. juni.
Uregulerte landingsplassar
Det er og laga ein liten «landingsrampe» på Kløve øvst i Kvamsdalsvegen. Denne er ikkje regulert som landingsplass. Den er bygd utanfor sjølve vegen og er difor å rekna som utmark.
Noko tilsvarande transport er utført frå vegenden på Hjølmoberget, her er det ikkje etablert eigen permanent landingsplass.
Praksis for kor transport fakstisk skjer ifrå har variert med føremål og kor det står bilar parkert. Det kan vera praktisk når det er mange og tunge hiv å unngå transport frå nede i bygda. Samstundes er desse plassane ikkje lagt til rette for transport som gjer det naudsynt med same vurderinga etter lova som andre landingsplassar. Grunneigar skal òg høyrast/gje løyve til å bruka slik plass.
Som følgje at nemnde plassar er å rekna som utmark krev desse løyve etter lov om motorferdsel i utmark for landing og letting.
Bruk av "longline"
Longline er eit uttrykk for lang lasteline (15m) som heng under helikopteret. Denne vert brukt i samband med mange lasteoppdrag, ma. i samband med frakt av byggjematerial og uttransport av felt hjortevilt.
Uttransport av heile dyr er kurant, då hengjer helikopteret ei stropp i Longline som jegeren trer gjennom hasane på dyra og opp att i Longline.
Dersom dei skal flyga parterte dyr, må jegeren sjølv bera med seg ein storsekk fram til slakte/hente-plassen.
Etter ein Høgsterettsdom av 08.05.2012, reknast ikkje bruk av «longline» å vera søknadspliktig når ikkje helikopteret landar.