Kva søknadsskjema du skal bruka, avheng av kva du skal byggja for kor stort tiltaket er.

På heimesida til Driektoratet for byggkvalitet finn du ei samling med dei skjema du treng til ditt byggeprosjekt. Du kan søkja som privatperson eller som profesjonell.

Lage byggesøknad? Bruk digitale løsninger

Teikningar
Me treng målsette teikningar av tiltaket for alle plan, snitt og etasjar.

• For bygningar: mål på alle sider, både i høgda og i lengda/breidda. Måla skal vera frå ytterveggane, og du må oppgje veggtjukkleiken. Fasadeteikningar skal ha påført takvinkel og kotehøgd.
• For vegar: høgde-, lengde- og breiddeprofilar. Skjeringar og fyllingar skal vera med. Avkøyringar skal vera med der det er aktuelt.

Situasjonsplan
Situasjonsplan må leggjast ved byggjesøknaden. Dersom tiltaket det er søkt om medfører ei endring, må det gå tydeleg fram av situasjonsplanen korleis situasjon er før endringa, kva endringa inneber, og korleis situasjon vert etter endringa.

Søknad om sanitærabonnement
Tilnærma alle reguleringsplanar i Eidfjord kommune krev at nye bygg for varig opphald skal vera tilkopla offentleg godkjent vass- og avlaupsanlegg. Søknad om sanitærabonnement må leggjast ved i byggjesøknaden dersom du søkjer om:

• Oppføring av eit bygg som i fylgje reguleringsplanen skal knytast til offentleg godkjent VA-anlegg
• Oppføring av tilbygg som fører til at eksisterande bygg må koplast til VA-anlegg
• Å leggja VA-leidningar til eit eksisterande bygg som ikkje har innlagt vatn

Erklæring om ansvarsrett
Merk at Eidfjord kommune krev at ansvarsområdet "innmåling og utstikking av tiltak" skal vera belagt med ansvar.

Gjennomføringsplan
Der det er behov for erklæring om ansvarsrett, må det også leggjast fram ein gjennomføringsplan for tiltaket

Les om nabovarsling her.

Utgangspunktet og hovudregelen er at byggjetiltak skal vera i samsvar med plan- og bygningslova, forskrifter og gjeldande planar. I visse høve kan det vera naudsynt å søkja om dispensasjon, dersom tiltaket likevel ikkje vil vera i samsvar med gjeldande reglar.

Når du søkjer om dispensasjon, må du grunngje kvifor. Du må også varsla naboane særskilt om dispensasjonssøknaden. Alt ettersom kva du søkjer om dispensasjon for, kan teikningar eller situasjonskart vera naudsynt. Du må uansett senda med kvittering for og gjenpart av nabovarselet, og eventuelle innkomne nabomerknadar.

Dersom du sender inn dispensasjonssøknaden og byggjesøknaden saman, vil det vera nok at du varslar naboane ein gong, så lenge det går klart fram at søknaden gjeld både byggje- og dispensasjonssøknaden.

Vilkåra som må vera oppfylte for at kommunen kan gje dispensasjon finn du i plan- og bygningslova § 19-2

Vent 14 dagar for eventuelle nabomerknadar, og send byggjesøknaden med relevante vedlegg til:

postmottak@eidfjord.kommune.no

Eller per brev til:

Eidfjord kommune
Simadalsvegen 1
5783 Eidfjord

Dersom det er behov for å ettersenda dokumentasjon skal dette sendast til same e-post og postadressa.

Som regel er fristen tre veker for tiltak som er i samsvar med regelverket. For meir omfattande saker er fristen 12 veker.

Tidsfristen er å rekna frå det tidspunktet fullstendig søknad er motteken av kommunen.

Om det er manglande informasjon i søknaden, eller naudsynt med tilleggsinformasjon, vert handsamingstida stoppa inntil saka er komplett.

Ta kontakt med oss om du treng hjelp til byggjesøknaden.