Uavhengig av sakstype, må det gjennomførast ei oppmålingsforretning der dei nye grensene vert merka og målt. Resultatet av oppmålingsforretninga vert ført inn i matrikkelen som er Norges offisielle eigedomsregister.
Grensejustering
Ei grensejustering er ei mindre endring av grensa mellom to eigedomar. Grensejusteringar krev ikkje løyve etter plan- og bygningslova, med mindre tiltaket er i strid med lovverk og overordna planar.
- Arealet for involverte eigedomar kan ikkje auka/redusertast med meir enn 5%, og maksimalt 500m².
- Ein eigedom kan ikkje avgje areal som i sum overstig 20% av eigedomens areal før justeringa.
- For anleggseigedomar kan ikkje volumet aukast/reduserast med meir enn 5 %, og maksimalt 1000m³.
- Verdien på eigedomen kan ikkje auka/reduserast med meir enn 1G (G = grunnbeløp i folketrygden).
For utdjupande reglar knytt til grensejustering sjå matrikkelforskrifta § 34 og matrikkellova § 16
Når du skal søkja om grensejustering må du senda inn søknadsskjema og vedlegg:
Søknadsskjema
Du nyttar sentralt søknadsskjema frå Kartverket:
Vedlegg
Arealoverføring
Arealoverføring er ei overføring av areal mellom to eigedomar. Arealet vert overført mellom tilgrensande matrikkeleiningar utan at arealet vert oppretta som eiga matrikkeleining. Arealoverføring kan berre skje mellom eigedomar på same "nivå" i matrikkelen, til dømes mellom to grunneigedomar eller mellom to festetomter.
For at arealoverføring kan skje må arealet som skal overførast vera fritt for hefte. Les meir om pantefråfall ved arealoverføring på Kartverket sine heimesider.
Når du skal søkja om arealoverføring må du senda inn søknadsskjema og vedlegg:
Søknadsskjema
Du nyttar sentralt søknadsskjema frå Direktoratet for byggkvalitet og Kartverket:
Vedlegg